Дванаесет локации избрани за консолидација на земјоделско земјиште во земјата
Дата на објава: 
9 Март 2018
_ФАО.jpg

Проектот МАИНЛАНД, финансиран од Европската Унија, кој го споведува Организацијата за храна и земјоделство на Обединети нации (ФАО) во партнерство со Министерството за земјоделство, шумарство и водостопанство (МЗШВ), бележи клучно достигнување со изборот на 12 проектни области за консолидација на земјоделско земјиште ширум земјата.

Изборот на проектни области за консолидација на земјоделско земјиште е кулминација на серија подготвителни активности кои се реализираа во текот на изминатите неколку месеци.


МЗШВ: Финални подготовки за објавување на тендерот за втора фаза на Програмата за наводнување во Јужната вардарска долина
Дата на објава: 
8 Март 2018
ger1.jpg

Министерот за земјоделство, шумарство и водостопанство, Љупчо Николовски имаше работна средба со директорот на германската кредитна банка „KfW“ за Косово и Македонија, Рене Ешеман.На состанокот  се  разговараше за подготовките за објавување на тендерската документација за изведба на градежните работи на системот за наводнување во Јужната вардарска долина во делот на Валандово.Министерот Николовски и директорот Ешеман, ги разгледаа сите подо подобрувања и можни пречки во реализацијата на проектот, со цел ефикасно спроведување на постапката, а потоа и изведба на работите.


Николовски: Формиравме Комитет, кој ќе работи на надминување на сите бариери во меѓусебната трговија со Србија
Дата на објава: 
7 Март 2018
srb4.jpg

Министерот за земјоделство, шумарство и водостопанство, Љупчо Николовски, денеска одржа работен состанок со министерот за трговија, туризам и телекомуникации на Република Србија, Расим Љајиќ.Тема на состанокот беа измените на македонскиот „ Правилникот за изгледот, формата и содржината на барањето за издавање на контролни маркици за означување на брашно“, но и сите отворени прашања и недоразбирања во меѓусебната трговија помеѓу двете држави.

Двајцата министри донесоа заедничко решение, во интерес на двете држави, односно дека за пакувањата на увозното брашно еден, два и пет килограми, контролни маркици ќе се лепат во Србија, а за пакувањата од 25 и 50 килограми, контролните маркици ќе се лепат во Македонија. Воедно на состанокот министрите се договорија во рок да се формира Комитете составен од надлежните институции на двете држави, чија што работа ќе биде во насока на надминување на сите отворени прашања поврзани со меѓусебната трговија.


Потпишани првите договори за Програмата ИПАРД 2014-2020
Дата на објава: 
6 Март 2018
DSC_1523.JPG

Денеска во Агенцијата за финансиска поддршка во земјоделството и руралниот развој се потпишаа првите четери договори за користење на финансиски средства од Програмата ИПАРД 2014-2020. Во текот на следните денови ќе биде потпишан уште еден договор. Договорите беа потпишани од страна на директорот на Платежната агенција, Николче Бабовски, а на чинот на потпишување присуствуваше и министерот за земјоделство, шумарство и водостопанство, Љупчо Николовски.

Министерот Николовски посочи дека ефикасното искористување на ИПАРД Програмите е еден од главните приорити на МЗШВ, со цел приближување до европскиот аграр.


Челику: Идните политики на МЗШВ ќе се креираат врз база на детални анализи
Дата на објава: 
2 Март 2018
DSCN4728.JPG

Министерството за земјоделство, шумарство и водостопанство на Република Македонија, како одговорна институција за креирање и спроведување на земјоделската политика во државата, работи на создавање на политики кои како краен резултат имаат долгорочен одржлив развој на земјоделството во Република Македонија. Таквите политики мора да се базирани на податоци, анализи, утврдени состојби и предвидени трендови и ефекти.


Syndicate content