Прв состанок на Управниот комитет на Проектот „Развој и имплементација на агро-еколошки мерки,,
Дата на објава: 
31 Јануари 2011

Агроеколошките мерки се задолжителни елементи на плановите на рурален развој согласно европските регулативи.Примената на агроеколошките мерки во земјоделското производство,за разлика од другите мерки се по сложени,но и многу значајни за што Европската Унија за периодот од 2007 до 2013 година ќе потроши 12 милијарди евра, истакна Екехарт Шродер директорот на Проектот за Развој и имплементација на агро-еколошки мерки,,на денешниот прв состанок на Управниот комитет на проектот.Затоа според Шродер многу е важна подготовката за спроведување на овие мерки.

 

Република Македонија како земја кандидат за членство во Европската Унија е посветена на прилагодувањето кон aquis communitaire особено во земјоделскиот сектор бидејќи тој е значајна гранка од македонското стопанство посочи министерот за земјоделство,шумарство и водостопанство Љупчо Димовски.Сега се наоѓаме пред новиот предизвик: како да ја заштитиме животната средина  и да ја зачуваме природата во процесот на земјоделското производство. Токму во таа насока се агро-еколошките мерки. Тие вклучуваат иницијативи за одржување или менување на секојдневните практики на управување со цел да се обезбеди соодветен еколошки бенефит.

 


Заменик министерот Иваноски ги презентира пилот активностите за комасација на земјоделското земјиште
Дата на објава: 
31 Јануари 2011

Во Македонија како и во поголемиот дел од централна и источна Европа, проблемите кои произлегуваат од расцепканоста на земјоделското земјиште и од малите земјоделски фарми  го отежнуваат и руралниот развој. Станува збор за сериозен структурален проблем, кој е сериозна пречка за профитабилно земјоделско производство и за инвестирање     во        аграрот.

 

Поради ваквата состојба, по  активностите за распределба на секое парче државно земјоделско земјиште, од 2007 година наваму, сега активностите се насочени кон консолидација, односно окрупнување на земјоделските површини. Преку проектот СТИМЕРАЛД почнуваат пилот ативностите за реализирање на новата земјоделска политика за косолидација на земјоделското земјиште, во прв ред на  приватните земјоделски површини.

 


Министерот Димовски учествуваше на презентација на македонските вина во Шведска
Дата на објава: 
27 Јануари 2011

Министерот за земјоделство,шумарство и водостопанство Љупчо Димовски, во рамки на кампањата за промоција на македонски вина во Шведска, денеска во Стокхолм, оствари работна средба со министерот за рурални работи на Шведска  Ескил Ерландсон и со првите луѓе на Шведската развојна Агенција- СИДА.

 

На шведскиот министер Ерландсон, министерот Димовски му го презентира проектот на Владата на Република Македонија за изградба на откупно дистрибутивни центри за овошје и зеленчук како можност за инвестирање на шведските бизнисмени во Македонија. Тој го информира неговиот шведски колега за состојбите во македонското земјоделство и го покани да учествува на министерскиот состанок кој во ноември годинава ќе се одржи во Скопје.

 

Кампањата за презентација на македонските вина во Шведска, е организирана од страна на македонската амбасада во Шведска, Министерството за земјоделство,шумарство и водостопанство, Аг Биз програмата и стопанските комори.

 


Министерот Димовски на 3-тиот Берлински Самит на министри за земјоделство
Дата на објава: 
21 Јануари 2011
2011-01-22_17-31-06_741_Berlin.jpg

На “3-тиот Берлински Самит на министри за земјоделство“, министрите за земјоделство од 53 земји се собраа за да разменат искуства и идеи како трговијата на локално, регионално и глобално ниво би можела да придонесе за поголема  безбедност на храна. На овој Самит на кој учествува и министерот за земјоделство,шумарство и водостопанство Љупчо Димовски, денеска се усвои завршно коминике во кое се наведува дека министрите за земјоделство кои се состанаа во Берлин ја поздравија можноста за отворена размена на мислења за улогата на трговијата во безбедноста за храна.


РЕАКЦИЈА
Дата на објава: 
22 Јануари 2011

Министерот за земјоделство, шумарство и водостопанство Љупчо Димовски ќе поднесе кривична пријава против таканаречениот лидер на тутунарите Кире Неделковски поради  неговата изјава дадена за А1 телевизија во која се вели ,,Министерот за земјоделство ми понуди  да го однесам целиот тутун и да ми се исплати по најдобра цена, по 208 денари, прва класа. Тоа јавно го одбив и прашав ако го продадем мојот тутун, што ќе биде  со тутунот на другите?,,.

Ваквата изјава на Неделковски е тотална невистина, лага и манипулација со цел на јавноста да и се прикаже како личност која ја дели судбината со другите тутунари, иако и самиот тој  добро знае дека неговиот тутун претходно веќе го има предадено и тоа по највисока цена.


Syndicate content