Министерот Димовски се сретна со Словенечко – македонскиот бизнис клуб во Љубљана
Дата на објава: 
22 Април 2010
biznis delegacija vo ambasada.jpg

,,Дојдовме да ги продлабочиме добрите економски односи и да ги понудиме македонските производи и македонското вино,,- истакна министерот за земјоделство,шумарство и водостопанство Љупчо Димовски на синоќешната средба со Словенечко – македонскиот бизнис клуб во македонската амбасада во Љубљана, Република Словенија. Македонската Влада и министерството за земјоделство, создаваат услови за прилагодување на македонскиот аграр на европските пазари за поорганизиран настап.


Предлог закон за квалитет на земјоделски производи

 

Работната верзија на Предлог - Законот за квалитет на земјоделски производи. Се повикуваат сите заинтересирани страни да го дискутираат текстот на предлог законот и да дадат свој конкструктивен придонес во донесувањето на добар закон за земјоделските производи.

 

Контакт:

Биљана Талеска
taleskabiljana@yahoo.com


Министрите Димовски и Јанакиески ги посетија поплавените области во Јегуновце
Дата на објава: 
20 Април 2010

Надлежните државни институции ќе преземат повеќе активности за санација на состојбата предизвикана од зголеменото ниво на Вардар во Тетовско.

 

Тоа го најавија министерите за транспорт и врски и за земјоделство, шумарство и водостопанство Миле Јанакиески и Љупчо Димовски, кои со генералниот директор на АД „ЕЛЕМ“, Влатко Чингоски, денеска ја посетија општина Јегуновце и населените места Туденце и Раотинце, каде е забележано излевање на реката Вардар заради зголемениот водотек по поројните дождови кои го зафатија полошкиот регион.

 

Во следниот период е предвидено да продолжат мерките за превенција и заштита од страна на Дирекцијата за заштита и спасување,а министерството за земјоделство, шумарство и водостопанство ќе достави информација до Владата за можностите за имплементација на проект за регулација на речното корито на потегот од Јегуновце до Туденце во должина од 7 километри.


Министерот Димовски ги запозна валандовските средношколци со ИПАРД Програмата и проекот ,,Учиме за ЕУ,,
DSC01361.jpg

Министерот за земјоделство, шумарство и водостопанство Љупчо Димовски, денеска го посети средното училиште „Гоце Делчев“ во Валандово во рамки на проектот „Учиме за ЕУ“. Тој за учениците од ова   средно училиште одржа презентација за запознавање со принципите на земјите членки на Европската Унија. Тие покажаа голем интерес за оваа тема, особено за користење на ИПАРД средствата за поддршка на земјоделството и руралниот развој.

 

Во својата презентација министерот се задржа на можностите што ги дава ИПАРД Програмата и посочи дека оваа финансиска програма и овозможува  на нашава земја да ги зајакне капацитетите во земјоделството и во руралните средини пред влезот во Европската Унија. Според него, ИПАРД Програмата му дава можност на  македонското земјоделство преку ко-финансирање на инвестициони проекти да се прилагоди на пазарните услови во Унијата.

 


Министерот Димовски учествуваше во порибувањето на Охридското Езеро
Дата на објава: 
19 Април 2010
Poribuvanje 100.jpg

Министерот за земјоделство, шумарство и водостопанство Љупчо Димовски, во Охрид присуствуваше на порибувањето на Охридското Езеро со ендемичниот вид охридска пастрмка и во акцијата за уништување на рибарската опрема запленета од страна на рибочуварската служба.

 

Во водите на езерото беа пуштени 200 илјади единки охридска пастрмка од минатогодишниот мрест одгледани по вештачки пат во новоизградените капацитети на Хидробиолишкиот институт во Охрид.


Syndicate content