СООПШТЕНИЕ
Дата на објава: 
13 Февруари 2010
Ministerot vo MIK 013.jpg

Министерот за земјоделство, шумарство и водостопанство Љупчо Димовски денеска имаше работен состанок со менаџерскиот тим на месната индустрија „МИК“ Свети Николе.

 

Димовски се запозна со капацитетите и актуелните состојби во агроиндустрискиот сектор.

 

- Покрај другите теми околу работењето на месната индустрија, со менаџерскиот тим на Свети Николе разговаравме и за можностите за користење на средствата од ИПАРД програмата. Бевме информирани дека овие финансиски средства се добредојдени во проширувањето на капацитетите, истакна министерот Димовски по средбата.

 

Според генералниот директор Влатко Ѓорѓиевски, капацитетот на „МИК“ е сосема доволен да го откупи целиот пазарен вишок од свињарските фарми во земјата и да понуди на домашниот пазар квалитетен и безбеден прехранбен производ.

 

Месната индустрија од Свети Николе ги има воведено сите стандарди за безбедност на храната, а своите производи ги пласира на домашниот пазар


СООПШТЕНИЕ
Дата на објава: 
12 Февруари 2010

Во понеделник 15 февруари,  почнува  пријавувањето за субвенции за произведено и предадено карвјо млеко за периодот од 1 октомври до 31 декември 2009 година.

 

Пријавувањето е преку подрачните единици на Министерството за земјоделство, шумарство и водостопанство, најдоцна до 15 март, за остварување на субвенција од 2,50 денари за литар. Правото ќе можат да го искористат сточарите кои произвеле и предале млеко во регистрирани млекарници.

 

За пријавување за субвенции за млекото предадено од 1 јануари до 31 април 2010 година во регистрираните мелкарници ќе почне на 15 мај и ќе трае до 15 јуни,третата фаза на пријавување ќе почне на 5 октомври и ќе трае до 5 ноември и тоа за млекото кое сточарите го предале во регистрирани млекарници во периодот од 1 мај до 30 септември годинава.

 

За финансиска поддршка на вкупното сточарско производство, со Програмата за  финансиска поддршка во земјоделството, годинава државава одвои повеќе од една милијарда и 733 милиони денари


СООПШТЕНИЕ
Дата на објава: 
12 Февруари 2010

Министерот за земјоделство,шумарство и водостопанство Љупчо Димовски утре 13.02.2010 година(сабота) во 11 часот ќе оствари работна посета во светиниколската месна индустрија МИК Свети Николе.На средбата со менаџерскиот тим на МИК ќе стане збор за состојбите во сточарството и во преработувачката индустрија.

По посетата во 12 часот е предвидена изјава за медиумите.


Како ќе се финансираат воведувањето на стандарди за безбедност во земјоделско производство и контролата на квалитет
Дата на објава: 
12 Февруари 2010

Од вкупно 100 милиони евра за финансиска поддршка во земјоделството за оваа година,за воведување на стандарди за безбедност во земјоделско производство и контрола на квалитетот се предвидени 20 милиони денари или 327 илјади евра.Овие средства ќе се користат според намените, критериумите, условите и висините утврдени во неколку мерки и тоа :за компензација на производни трошоци по заштитен производ од животинско потекло во висина од вкупно 250 000 денари по заштитен производ по географска ознака, oзнака за потекло и традиционален специјалитет, односно до 300 000 денари од растително потекло.


РАБОТИЛНИЦА ЗА ЛОВСТВО
Дата на објава: 
11 Февруари 2010

На иницијатива на Министерството за земјоделство, шумарство и водостопанство, а во соработка со  Холанската агенција за развој - СНВ, денеска се одржа работилница за  функционирањето на  постојниот модел на управување со дивечот во Република Македонија. На состанокот со кој претседаваше заменик министерот за земјоделство, шумарство и водостопанство Перица Иваноски, присуствуваа и претставници од  Шумарскиот факултет од Скопје, членови на Ловечката федерација на Република Македонија, како и претставник од Јавното претпријатие ,, Македонски шуми,, од секторот ловство и ловен туризам.

 


Syndicate content