Потпишани првите договори за поддршка од неповратни 10.000 евра за млади земјоделци
Дата на објава: 
25 Ноември 2017
mlad zemjodelc1.jpg

Денеска во Министерството за земјоделство, шумарство и водостопантво се потпишаа првите 60-тина договори од вкупно одобрените 424 договори за Мерката 122 од Програмата за рурален развој  „Помош на млади земјоделци за започнување на земјоделска дејност“.

На официјалното потпишување на првите договори, присуствуваа Претседателот на Владата на Република Македонија, Зоран Заев, министерот за земјоделство, шумарство и водостопанство, Љупчо Николовски, директорот на Агенцијата за финансиска поддршка во земјоделството и руралниот развој, Николче Бабовски, како и директорите и советниците во состав на МЗШВ и од Владата на РМ.

Премиерот Зоран Заев, им порача на присутните млади земјоделци, дека земјоделството ќе биде една од базичните гранки на кои ќе се темели идниот економски раст.


Кривични пријави за седум лица вработени во МЗШВ
Дата на објава: 
24 Ноември 2017

Секторот за внатрешни работи Струмица - Надворешна канцеларија за криминалистички работи Радовиш, до Основно Јавно Обвинителство за гонење на организиран криминал и корупција-Скопје  поднесе кривична пријава против Г.Л. (52) , В.Ќ. (52), Д.М. (43), С.Н. (39), В.В. (61), Ј.З. (51), сите од Скопје и против В.Г. (58) од Тетово, поради постоење на основи на сомнение дека сториле кривично дело „злоупотреба на службена положба и овластување“, предвидено и казниво по член 353 став 2  во врска со став 1 од Кривичниот Законик  на Република Македонија. 


ЈАВЕН ПОВИК за доставување барање за користење средства за реализација на мерки Програмата за финансиска поддршка во рибарството
Дата на објава: 
24 Ноември 2017

Согласно дел IX од Програмата за финансиска поддршка во рибарството и аквакултура (“Службен весник на Република Македонија“ бр. 192/16, 165/17 и 166/17), Министерството за земјоделство, шумарство и водостопанство објавува

 

ЈАВЕН ПОВИК

за доставување на барање за користење на средства за реализација на мерки Програмата за финансиска поддршка во рибарството и аквакултура за 2017 година

 

I. ПРЕДМЕТ

Предмет на овој јавен повик е реализација на мерките од Дел V и VI од Програмата за финансиска поддршка во рибарството и аквакултура за 2017 година и тоа:

 

Целиот ЈАВЕН ПОВИК, како и Образецот за доставување барање, се во додатоците за превземање.


ЈАВЕН ПОВИК за доставување на барање за користење на средства од Програмата за капитални трансфери за невладини организации
Дата на објава: 
20 Ноември 2017

Согласно Програматата за капитални трансфери финансиска за невладини организации во областа на земјоделството и руралниот развој („Службен весник на Република Македонија“ бр.166/17), Министерството за земјоделство, шумарство и водостопанство објавува

ЈАВЕН ПОВИК

за доставување на барање за користење на средства за реализација на Програмата за капитални трансфери за невладини организации од областа на земјоделството и руралниот развој

I. ПРЕДМЕТ

Предмет на овој јавен повик е реализација на средствата утврдени согласно Буџетот на Република Македонија за 2017 („Службен весник на Република Македонија“ бр. 191/16 и 109/17) раздел 14001 – Министерство за земјоделство, шумарство и водостопанство, програма 3 – Земјоделство и рурален развој, потпрограма 30 Земјоделство, ставка 489 – Капитални субвенции за претпријатија и невладини организации во износ од 30.000.000,00 денари чии средства ќе се користат за субвенционирање на апликативни проекти кои имаат за цел:

 

Целиот ЈАВЕН ПОВИК, како и Барањето се во додатоците за превземање.

Додаток за превземање: 
Додаток за превземање: 

Министерот Николовски во Јахорина оствари средби со регионалните министри и со претставниците на меѓународните организации
Дата на објава: 
18 Ноември 2017
21617740_519816328384729_5617174394602876464_n.jpg

Во рамки на Единаесеттиот годишен работен состанок на министрите за земјоделство од Југоисточна Европа (ЈИЕ), што се одржa во Јахорина, Босна и Херцеговина, министерот за земјоделство, шумарство и водостопанство Љупчо Николовски, оствари средби со делегациите на сите присутни држави, на кои тема на разговор беше  затворање на сите отворени прашања, подобрување на регионалната соработка и зголемување на трговската размена.

Од особено значење за Република Македонија, беа и средбите со директорот на Генералниот директорат за земјоделство и рурален развој на ЕУ-ДГ АГРИ, Марио Милушев,со регионалниот директор на Организацијата за храна и земјоделство при Обединетите Нации (ФАО) за Европа и Централна Азија Владимир Рахмањин, со директорот на Германската интернационална соработка (GIZ), Џејмс Макбет, и со др. Герман Јеуб, генерален директор за ЕУ политика и интернационална соработка во германското Министерство за земјоделство.


Syndicate content