Од денеска почнува исплатата на субвенциите за тутунот, ќе се исплатат 25 милиони евра
Дата на објава: 
28 Јуни 2017
tutun.jpg

Уште од првиот ден од доаѓањето во Министерството за земјоделство,шумарство и водостопанство, работиме на деблокирање на исплатата на субвенциите за тутунот, пари кои тутунопроизводителите ги чекаат долго време. По речиси еден месец, успеавме да ги отстраниме сите пречки за исплата на субвенциите за тутунот. Со задоволство,  Ве известувам дека од денеска почнува исплатата на субвенциите за производитлите на тутун. Во Министерството за финансии се пристигнати сите налози за исплата на субвенциите за тутунот во износ од речиси 1.5 милијарди денари или близу  25 милиони евра, со што комплетно ќе бидат исплатени сите тутунопроизводители. Земјоделците денеска во попладневните часови и утре во текот на целиот ден ќе можат да си ги подигнат парите од банките. Изминативе недели направивме напори за да се деблокира исплатата и да се отстранат сите пречки. Само накусо ќе напоменат што се преземавме за да почне исплатата на субвенциите за тутунот.

 


Продолжен рокот за аплицирање за ИПАРД 2
Дата на објава: 
23 Јуни 2017
image-0-02-04-34c7914e3075807b11f65c0a5cb9f95c9cdaf3864db4b785c0c9591054ba1034-V.jpg

По извршените консултации со земјоделците и со претставници на преработувачката индустрија, како и останати потенцијални корисници на ИПАРД средства и земајќи го во предвид  долгиот период на формирање на нова влада  и застојот во работата на општините одлучивме да се продолжи рокот за аплицирање за користење на  ИПАРД средства предвидени со програмскиот период 2014-2020- истакна во денешната изјава за медиумите министерот Љупчо Николовски.

Имено, првиот јавен повик за ИПАРД 2014-2020, повик  бр. 01/2017, беше објавен на 24.04.2017 и првично беше најавено дека истиот ќе биде отворен до 23.06.2017 година. Денес би сакал да ве известам дека јавниот повик за поднесување на барања за користење на ИПАРД средства се продолжува за скоро еден месец, односно до 21.07.2017 година.


Прва средба на министерот Николовски со претставници на германската кредитна банка- КfW
Дата на објава: 
22 Јуни 2017
KfW.jpg

Министерот за земјоделство, шумарство и водостопанство Љупчо Николовски денеска оствари прва средба со делегација од регионалната канцеларија на германската кредитна банка за инвестиции (КfW), предводена од директорката Естер Гравенкотер.

На средбата директорката Гравенкотер информираше за активностите на банката во Р. Македонија со посебен акцент на Проектот Јужновардарска долина-втора фаза.

За подобрување, забрзување и за реализација на Програмата, беа договорени неколку чекори, почнувајќи од побрз пренос на инфраструктурата, односно на системите за наводнување од АД Водостопанство на Р.М на новоформираните земоделски задруги. Беше договорено и интензивирање на градежните активности на системите за наводнување во валандовскиот регион со цел побрзо ставање на сиситемите за наводнување за редовно обезбедување на квалитетна вода за наводнување и намалување на влијанието на климатските промени.


Средба на министерот Николовски со претставници од Делегацијата на Европската унија
Дата на објава: 
22 Јуни 2017
EU Delegacija.jpg

Министерот Љупчо Николовски на денешната средба со претставниците од Делегацијата од Европската унија предводена од раководителот на секцијата за соработка, Никола Бертолини беше запознат со статусот на тековните проекти од ИПА кои се во тендерска постапка и кои наскоро треба да започнат.

Петставниците од Делегацијата ги потенцираа прашањата на кои треба да се поствети поголемо внимание за нивна поуспешна и целосна инплементација во интерес на земјоделците.

Посебен акцент се стави на ИПА 2015 односно на проектите за консолидација, за земјоделските задруги и за поддршката во секторот за водостопанство кои во пакет ќе придонесат за подобрување на состојбите во аграрот.

Делегацијата го истакна и значењето од успешно одржување и реализирање на интегрираниот административен и контролен систем кој обезбедува релевантни податоци за исплата на финансиските средства кон земјоделците.


Министерот Николовски ги посети земјоделците од Росоман
Дата на објава: 
21 Јуни 2017
rosoman.jpg

Не смееме да се служиме со лажни информации и манипулации, тука сме да ги решаваме проблемите на земјоделците. Овие неколку дена правиме вончовечки напори за да ги откочиме сите блокирани процеси, изјави денеска министерот за земјоделство, шумарство и водостопанство Љупчо Николовски по средбата со овоштарите во Росоман.

Николовски ја повтори одлуката за дополнителните шест денари субвенции со која ќе им се помогне на овоштарите и рече дека сериозно се размислува за сите други нивни барања. Воедно демантира дека има увоз на праски. Тоа, според него, е, како што рече, бескруполозна лага пласирана од одредени поединци.


Syndicate content