Новости

Над 66 илјади земјоделци досега конкурирале за субвенции за 2017 година
Дата на објава: 
12 Септември 2017

Во петок на 15.09.2017  завршува  рокот за поднесување барања за субвенции за земјоделството од Програмата за финансиска поддршка во земјоделство за 2017 година. До денеска според податоците од Подрачните единици при Министерството за земјоделство, шумарство и водостопанство, поднесени  се 66.126 барања. Најмногу барања има поднесено во Подрачните единици во Кавадарци  6.233 барања, потоа во Струмица 5.962 барања, Куманово 5.075, Битола, Неготино, Прилеп, Тетово, Кочани, Велес, Свети Николе. Со оглед на тоа дека рокот трае уште пет дена, овие бројки се очекува да променат односно да се зголемат.


Лозарите ќе добијат дополнителни субвенции за килограм грозје предадено во домашни винарски визби
Дата на објава: 
9 Септември 2017
21557165_10156088309295628_150237367_o.jpg

Министерот за земјоделство, шумарство и водостопанство Љупчо Николовски, денеска присуствуваше на традиционалната манифестација „Тиквешки гроздобер“, што секоја година се одржува во Кавадарци. Министерот Николовски им порача на лозарите дека грозјето од годинешната реколта ќе биде целосно откупено од страна на винарските визби, според законските одредби. Воедно, министерот најави дека на следната владина седница ќе се донесе одлука за дополнителни директни плаќања, за произведено и предадено грозје во домашните винарски визби.


За пет дена јавно отворање на понудите за давање под закуп на државно земјоделско земјиште до 3 хектари
Дата на објава: 
6 Септември 2017

Министерството за земјоделство шумарство и водостопанство соопштува дека огласот за прибирање на понуди за давање под закуп на земјоделско земјиште во државна сопственост до 3 хектари заврши на 05.09.2017 (вторник). Јавното отворање на пристигантите понуди ќе биде на 11.09.2017 (понеделник).

Во интерес на транспарентноста, да не се наруши доверливоста на понудите, но и во очекување на понудите кои треба да пристигнат по пошта, засега не може да се изнесат официјални податоци за бројот на пристигнати понуди.

Предмет на овој оглас се земјоделски површини кои се наоѓаат во катастарските општини на територијата на Неготино, Берово, Пробиштип, Кисела Вода, Кичево и Прилеп, во вкупна површина од 866 ха 75ар 56м2 Намената на земјоделското земјиште во државна сопственост кое се дава во закуп со овој јавен оглас е за:

 

-подигање на долгогодишни насади (лозја, овоштарници, хмељ) и оранжерии за период до 30 години,

-подигање на долгогодишни насади со лешник за период до 70 години,

-подигање на маслинарници за период до 50 години,


Откриени насади со тутун „Вирџинија“ забранети за производство
Дата на објава: 
3 Септември 2017

СВР Битола и Државниот инпекторат за земјоделство во координација со  Министерството за земјоделство, шумарство и водостопанство на 01 и 02.09.2017 година,  презедоа  заедничка акција за пронаоѓање на насади и обработка на тутун од типот „Вирџинија“, кои не се пријавени и немаат договор со регистрираните откупувачи, а согласно Законот за тутун не смеат да се произведуваат.

Врз основа на добиени наредби за претрес од Основниот суд Битола, извршени се претреси кај пет физички лица и кај едно правно лице во село Могила и притоа се пронајдени и одземени вкупно 24 826 кг. тутун тип „Вирџинија“.  Исто така се пронајдени и шест ниви со насади на тутун од типот „Вирџинија“


Исплатени 110 милиони денари за субвенции за земјоделство
Дата на објава: 
1 Август 2017

 

Агенцијата за финансиска поддршка на земјоделството и руралниот развој исплати 110 милиони денари или близу 1,8 милиони евра за субвенции за земјоделците и преработувачките капацитети. Од нив, 39,8 милиони денари (650.000 евра) се исплатени за субвенци за винарските визби по основ на откупено грозје. В.д директорот на Агенцијата Никола Бабовски посочи дека се исплатени субвенции за вкупно 13 винарници, а две се избришани од регистарот и тие од законски причини нема да добијат субвенции за реколтата 2015/2016 година.

„Средствата беа ветени како поддршка за да може годинашниот откуп на грозјето да се заврши без никакви проблеми. Ова се субвенции кои винарските визби ги добиваат за реколтата 2015/2016 година за сортите „вранец“ и „смедеревка““,изјави на денешната прес конференција Бабовски.


Syndicate content