Новости

Министерот Димовски во посета на полошкиот регион
Дата на објава: 
3 Март 2010
Rabotilnica i Gostivar rabota na teren 013.jpg

Нема опасност од излевање на Вардар во Полошко и состојбата се следи деноноќно, изјави денеска министерот за земјоделство, шумарство и водостопанство Љупо Димовски при посетата на селата Мало Турчане, Гостиварско, и Ротинци, Тетовско.

 

Делегацијата составена од членови на Дирекцијата за заштита и спасување, Центарот за управување со кризи и Министерството за транспорт и врски ги посети местата каде Вардар директно се заканува со поплавување.

 

- Ситуацијата е стабилна. Водостојот на реката е со зголемено ниво, но не е во фаза за да се прелее во нивите. Можно е заезерување на земјоделските површини поради високото ниво на подземни води. Таа појава ќе биде краткотрајна, рече Димовски.Се следи и состојбата со водотеците од Шар Планина и доколку дојде до зголемен доток ќе се реагира брзо.По стабилизирање на водостоите со Акцискиот план на Министерството за земјоделство се предвидува чистење на каналот од селото Радиовце до Бистрица во должина од 5,5 километри.


Работилница за заштитата на називите на земјоделските производи
Дата на објава: 
3 Март 2010
Rabotilnica i Gostivar rabota na teren 010.jpg

Со вкупно 20 милиони денари министерството за земјоделство,шумарство и водостопанство годинава ја поддржува заштитата на називите на земјоделските производи. Целта е домашните субјетки да се ориентираат кон заштитата на производството што освен поголема цена, значи и сигурен пласман не само на македонскиот, туку и на надворешните пазари.

 

Ова беше истакнато на денешната работилница во Министерсвото за земјоделство, шумарство и водостопанство.


Рокот за поднесување барање за ИПАРД средствата продолжен до 17 март
Дата на објава: 
23 Февруари 2010
Donacija Tika 069.jpg

По барање на потенцијалните апликанти, рокот за поднесување барања за средствата од ИПАРД програмата се продолжува за три недели, односно до 17 март, соопшти денеска заменик - министерот за земјоделство, шумарство и водостопанство Перица Иваноски.


Перспективи на задругарството во Република Македонија
Дата на објава: 
19 Февруари 2010
Zamenik i zadrugarite sostanok 17.02.10 003.jpg

,,Перспективи на задругарството во Македонија,, беше тема на состанокот кој заменик министерот за земјоделство, шумарство и водостопанство Перица Иваноски  го одржа со претставници на земјоделските здруженија и земјоделските задруги од земјава. Како што истакна заменик министерот, од особено значење е здружувањето на земјоделските производители во различни облици на здружување заради поорганизиран настап на пазарот и единствен успешен модел за надминување на проблемите во производството, но, пред се во пласманот на земјоделските производи, на домашниот и на странските пазар, најмногу за овошјето, зеленчукот и млекото.


Годинава за поддршка на руралниот развој 10 милиони евра
Дата на објава: 
16 Февруари 2010

За инвестиции во руралниот развој, годинава со Програмата за финансика поддршка на рурален развој  ќе се одвојат 579 милиони денари или околу 10 милиони евра, што е за 3 милиони евра повеќе од минатата година.Огласот за распределба на средствата од оваа програма ќе биде објавен од страна на Агенцијата за финансиска поддршка на земјоделството и руралниот развој, на крајот на овој месец. Средствата, се исплаќаат по принцип на ко-финансирање на завршени и исплатени инвестиции од страна на корисникот во висина од 50% од вредноста на одобрените прифатливи трошоци за инвестиции или:


Syndicate content