Новости

Бизнисмени од Албанија заинтересирани за инвестиции во македонското земјоделство
Дата на објава: 
22 Февруари 2018
alb3.jpg

Министерот за земјоделство, шумарство и водостопанство, Љупчо Николовски, денеска имаше работен состанок со бизнис секторот од Албанија, застапуван од Германската стопанска комора за индустрија и трговија во Албанија. На состанокот, министерот Николовски потенцираше дека Владата на Република Македонија креира поволна бизнис клима за влез на странски инвестиции. При тоа посочи дека се работи на унапредување на економската регионална соработка со земјите од регионот, вклучително и со Албанија.

Од македонска страна, на состанокот беше презентирана моменталната состојба во македонското земјоделство, расположливите земјоделски површини,состојба со откупни центри и можност за купување на истите, број на добиток, проиозводство, стартешки гранки, начинот на финансиска поддршка во земјоделството, политиките на Владата за развој на овој сектор, како и можностите за инвестирање во областа на земјоделството во Република Македонија.


Николовски: Во спроведувањето на идните политики, важна е поддршката од Европската унија и од донаторската заедница
Дата на објава: 
22 Февруари 2018
don4.jpg

Денеска во Министерството за земјоделство, шумарство и водостопанство се одржа состанок на Секторската работна група за земјоделство и рурален развој, на која беа поканети и претставници од Делегацијата на Европската унија, претстваници од странските донатори и невладиниот сектор.

На состанокот се разговараше за главните перспективи и предизвици, како и за идните политики за развој на земјоделството и руралниот развој.

Министерот за земјоделство, шумарство и водостопанство, Љупчо Николовски, ги презентираше клучните перспективи на политиките во земјоделството, во делот на храна и ветеринарство и фитосанитарните политики во Република Македонија. Посочи дека силно верува во зајакнувањето на перспективите на соработка со сите релевантни учесници во земјата, и меѓународните и регионалните организации, со цел подобрување на земјоделството и руралниот развој.


Николовски: МЗШВ активно соработува со сите општини и со АД Водостопанство за чистење на речните корита и одводните канали
Дата на објава: 
21 Февруари 2018
DSC_3651.JPG

Министерот за земјоделство, шумарство и водостопанство, Љупчо Николовски денеска имаше работна средба со градоначалникот на општина Струмица Коста Јаневски. На средбата, се разговараше за актуелните состојби и активности од областа на земјоделството, како што се чистењето на одводните канали и речните корита, тампонирање на полските патишта  и одржување на постојните и изградба на нови системи за наводнување.

Министерот Николовски беше во обиколка на дел од локациите каде што е во тек акција за чистење на одводните канали и речните корита од страна на општина Струмица и подружницата на АД Водостопанство.

 

На средбата министерот Николовски и градоначалникот Јаневски, се договорија за проширување на овие активности кои ќе дадат и поголем ефект во намалувањето на ризиците од поплави.

 


Министерот Николовски на трибина во Прилеп ја презентираше состојбата со откупот на тутунот
Дата на објава: 
21 Февруари 2018
DSC03396.JPG

Висока просечна откупна цена од 217,5 денари за килограм, зголемени субвенции кои што за прва класа достигнуваат и до 80 денари за килограм и низа мерки кои што ќе придонесат за што пореална исплата на субвенциите на тутунарите. Ова беше темата на трибината на прилепските тутунари со министерот за земјоделство,Љупчо Николовски што се одржа вчера вечерта  во Прилеп, во центарот за култура „Марко Цепенков“.

„Сакаме да ги резимираме резултатите од последната реколта, бидејќи имаме
информации што потврдуваат дека е постигната исклучително висока откупна цена на тутунот од 217,5 денари за килограм. Владата на Република Македонија во претходниот период внимателно ја следеше постапката во делот на откупот. Тука сме да ги објавиме и новите политики на Владата во овој дел, но и да ги разгледаме отворените прашања и на транспарентен начин да го продолжиме дијалогот со тутунопроизводителите“, порача меѓу другото министерот Николовски.


Николовски: Со проект од ИПА, земјоделците ќе добијат нови еколошки системи за наводнување
Дата на објава: 
20 Февруари 2018
IMG_2773.JPG

Министерот за земјоделство, шумарство и водосопанство Љупчо Николовски  денеска заедно со г-ѓа Вирве Вимпари, од Делегацијата на Европската унија, го најавија започнувањето на проектот "Мали, нискотрошковни, еколошки прифатливи системи за наводнување: избирање на локации и подготовка на целосно тендерско досие за изградба “. Проект  во вредност од околу 1,7 милиони евра, е финансиран од Инструментот за претпристапната помош –ИПА на Европската унија. Проектот за услуги финансиран од Националната програма ИПА 2013 се спроведува во Министерството за земјоделство, шумарство и водостопанство поточно во Управата за водостопанство.

Министерот Николовски посочи  дека целта на овој проект е да придонесе за зголемување на конкурентноста на земјоделскиот сектор, да се одржат приходите од земјоделството и да се ублажат негативните ефекти од климатските промени во земјоделството преку промовирање на мали системи за наводнување со ниски трошоци кои ќе бидат прифатливи за животната средина.


Syndicate content