Новости

Димовски присуствуваше на уништување на запленети мрежи во Охридското Езеро
Дата на објава: 
31 Март 2012

Министерот за земјоделство, шумарство и водостопанство Љупчо Димоски денеска го посети Хидробиолошкиот институт во Охрид, каде присуствуваше на уништувањето на дел од мрежите и опремата за криволов, запленети од рибочуварските служби на Охридското Езеро.

- Станува збор за 1.303 парчиња мрежи, со вкупна должина од 52 километри. Тоа се мрежи на луѓе кои не го сакаат езерото и вршат криволов покрај сите напори што Министерството за земјоделство заедно со Хидробиолошкиот институт ги вложува за негово порибување и заштита, рече Димовски. 

Тој нагласи дека како и досега така и во иднина нема да се толерираат таквите противзаконски активности, односно дека Министерството ќе ги преземе сите законски средства во негова ингеренција за целосно спроведување на одредбите пропишани со Законот за рибарство и аквакултура. 


Електронски софтвер ќе ги открива двојните договори за откуп на тутун
Дата на објава: 
30 Март 2012
tutun.JPG

,,Министреството за земјоделство,шумарство и водостиопанство, наскоро ќе инсталира специјален електронски софтвер кој ќе ги открива производителите на тутун кои за реколтата 2012 година склучиле двојни и тројни договори со откупните компании. Согласно  законските одредби, за нив ќе следува соодветна казна. Владата на Република Македонија во изминативе години, преку субвенции, од буџетот извои значителна сума пари за поддршка на производството на тутун и затоа ќе вложиме максимални напори за годинашниот откуп да се почитува Законот за тутун и Правилникот за откуп и од страна на производителите и од страна на откупувачите.,, Ова  го соопшти министресот за земјоделство,шумарство и водостопанство Љупчо Димовски на денешниот работен состанок со откупувачите на тутун на кој се разговараше за неодамнешните предлози на тутунопроизводителите за зголемување на откупните цени и за подготовките за новата производствена сезона.

 


Потпишан протокол за извоз на македонски тутун на кинескиот пазар
Дата на објава: 
29 Март 2012
Kina.JPG

Со цел продлабочување на трговската соработка и унапредување на извозот на македонските земјоделско-прехранбени производи, министерот за земјоделство, шумарство и водостопанство г. Љупчо Димовски,  со неговиот колега министерот за земјоделство на Народна Република Кина г. Хан Чангфу денес  потпишаа Меморандум за разбирање за понатамошна соработка во земјоделството.

Со потпишувањето на овој меморандум ќе се воспостават работни механизми за земјоделска соработка, ќе се зајакне соработката на полето на истражувањето во земјоделството како и размената на земјоделски технологии. Воедно со овој меморандум ќе се овозможат нови инвестиции како и економска и трговска размена помеѓу земјоделските претпријатија на двете земји.


Министерот за земјоделство Љупчо Димовски одржа работен состанок со претставници на Синдикатот на работниците од управата
Дата на објава: 
28 Март 2012
Sindikat.JPG

Министерот за земјоделство, шумарство и водостопанство, Љупчо Димовски, денеска одржа прва средба со претседателот  и претставници на Синдикатот на работниците од управата, правосудните органи и здруженијата на граѓани на Република Македонија.

 

На состанокот се зборуваше околу потпишувањето на колективниот договор за вработените во Министерството за земјоделство, со кој што ќе се допрецизираат правата на државните службеници.

 

Министерот Димовски изрази подготвеност за потпишување на ваков договор со кој како што рече и самиот вработените ќе си ги остваруваат своите права а тој секогаш е на страната на вработените.

 

Од Синдикатот го покренаа и прашањето за статусот на Шумската полиција и регулирањето на надоместокот за плата со нивниот секојдневен ризик на работното место, на што Министерот Димовски ги извести дека се работи на новиот закон за шумска полиција во кој точно се утврдени сите права на вработените во Шумска полиција.


Заменик министерот Коњановски се сретна со земјоделците од Преспа
Дата на објава: 
22 Март 2012

Денес, 22.03.2012 година, заменик министерот за земјоделство, шумарство и водостопанство, Зоран Коњановски, оствари посета на општина Ресен. При посетата заменик министерот Коњановски се сретна со градоначалникот на општина Ресен, Михаил Волкановски и со претставници на задруженијата на земјоделците од овој регион, при што ги запозна присутните за тековните проекти во Министерството за земјоделство, шумарство и водостопанство, како и за програмите и мерките што се предвидуваат за финансиска поддршка на земјоделството и руралниот развој за 2012 година.


Syndicate content