30.09.2020 16:00:00


На денешната прва средба со Амбасадорката на Соединетите Американски Држави во Република Северна Македонија, Кејт Мари Брнс беше потврдена стратешката определба на двете пријателски земји и сојузници во НАТО Алијансата, да оддржуваат блиски односи на соработка за унапредување на земјоделството како една од најважните гранки на економијата во нашата земја.
Ги истакнавме главните приоритети во новата стратегија за земјоделство и рурален развој, особено во прилагодувањето на легислативата и стандардите со ЕУ.
Амбасадорката Брнс истакна дека ја поддржува Република Северна Македонија во напорите за пристапување кон ЕУ и смета дека започнувањето на преговорите се добри за развојот и иднината на земјата, а САД ќе продолжат да бидат парнер во реализирање на заеднички инвестиции за јакнење на приватниот сектор. Во идниот период од особен интерес ќе бидат проектите во шумарството за спречување на нелегална сеча и сузбивање на илегална трговија со диви животни.
На состанокот присуствуваше и Претставникот на Канцеларијата на УСАИД во Република Северна Македонија, Ерик Јановски до кого упативме голема благодарност за досегашната поддршка што ја обезбедува УСАИД преку бројни проекти за поддршка на приватните бизниси во земјоделскиот сектор.

Share