Европа и Централна Азија дискутираат за решенија за промовирање на одржливи земјоделско-прехранбени системи , Министерот Хоџа ја потенцираше важноста на одржливост на руралните средини, привлекување млади во земјоделството и олеснување на развојот на бизнисот во руралните области

03.11.2020 12:30:00


3 ноември 2020 година – На 32-та сесија на Регионалната конференција на ФАО за Европа која започна вчера, членките на ФАО од Европа и Централна Азија ги дискутираат предизвиците со кои се соочува регионот во секторот храна и земјоделство, а особено како да се промовираат одржливи земјоделско-прехранбени системи и здрава исхрана, решенија за младите, вработувањето и развојот на руралните области.

 

Конференцијата која се одржува виртуелно за прв пат, обединува над 31 министри и заменици министри, вкупно над 270 претставници од 51 членка во Европа и Централна Азија, што е највисока посетеност на Регионална конференција за Европа досега. Претставници на меѓународни организации, граѓанскиот сектор и приватниот сектор исто така учествуваат на Конференцијата, што се одржува на секои две години.

 

Во своето воведно обраќање, генералниот директор на ФАО истакна дека регионот е економски и земјоделски центар, но исто така се соочува со многу долготрајни и нови предизвици. Тие вклучуваат „притисок врз природните ресурси, деградација на земјиштето и недостиг на вода во големи делови од регионот, постојана несигурност во храната, но исто така и зголемени нивоа на дебелина, зголемување на јазот меѓу руралните и урбаните средини, родови нееднаквости, глад и сиромаштија во многу рурални области“, изјави тој, истакнувајќи дека иновациите и дигиталните технологии се клучни за промовирање на современо одржливо земјоделство и рурален развој.

 

„Дигиталните технологии, како што се сателитско снимање, далечински сензори и мобилни апликации, ветуваат револуционерни промени за малите земјоделски стопанства и потрошувачите“, рече тој, посочувајќи дека „тие можат да помогнат во оптимизирање на синџирите на исхрана, да го зголемат пристапот до пазарите, да ги намалат загубите и отпадот на храна, да го подобрат управувањето со водите и да помогнат во борбата против штетниците и болестите“.

 

Министерот за земјоделство, шумарство и водостопанство на Република Северна Македонија, Арјанит Хоџа, денеска се обрати на една од клучните сесии на Конференцијата на тема „Решенија за младите, вработувањето и развојот во руралните области во контекст на Декадата на ОН за семејно земјоделство која претстави анализа на ситуацијата на малите земјоделски стопанства, семејните фарми и младите во земјоделството, вклучително и преглед на стратегиите што можат да ги ревитализираат руралните области во регионот на Европа и Централна Азија.

 

Министерот Хоџа истакна дека во однос на целокупниот напредок на економијата на земјата, земјоделството и руралниот развој се клучни елементи во пристапувањето на Република Северна Македонија кон Европската унија. Македонскиот земјоделски сектор го преставуваат претежно мали земјоделски стопанства и семејни фарми, чиј главен предизвик е расцепканоста на земјиштето, што е лимитирачки фактор да се постигнат стандардите и да се обезбеди количина потребна за пристап до меѓународните пазари. Според студијата на ФАО за малите земјоделски стопанства и семејните фарми која ја опфати и Република Северна Македонија, тие се сметаат за важен дел од решението за постигнување сигурност на храната, намалување на руралната сиромаштија и одржливост на животната средина. Семејните фарми не се во можност сами да го реализираат својот потенцијал за одржлив развој, истакна Хоџа и додаде дека “тие треба да бидат поддржани преку соодветни национални политики за рурален развој што ќе им овозможат да прераснат во успешни локални агробизниси кои ќе заземат водечка улога во развојот на локалните заедници”.

 

Хоџа додаде дека Владата на Северна Македонија има поставено амбициозна агенда и ќе преземе сериозни интервенции за да создаде можности за вработување на младите и воопшто подобри услови за живот на руралното население, вклучително преку овозможување подобар пристап до земјиште и пристап до кредит за младите и семејните земјоделци, зголемување на инвестициите во инфраструктура и ревитализација на селата.

 

Иновативни алатки и пристапи за прилагодена поддршка

 

Како одговор на предизвиците со кои се соочува регионот, генералниот директор на ФАО истакна неколку клучни достигнувања на ФАО, како што е стратегијата за пристап до Зелениот климатски фонд, што резултираше со два големи проекти кои ќе започнат во 2021 година во Ерменија и Киргистан за решавање на предизвиците од климатските промени, нормативната и теренска работа за консолидација на земјиштето, како и Регионална стратегија за родовa еднаквост и анализи кои придонесуваат за јакнење на позицијата на руралните жени низ целиот регион.

Чу, исто така, ги истакна дополнителните ефекти од КОВИД-19 врз постојните предизвици и ја истакна неодамна развиената Програма на ФАО за сеопфатен одговор и опоравување од ситуацијата со КОВИД-19, „која има за цел да ги ублажи непосредните влијанија, истовремено зајакнувајќи ја долгорочната еластичност на системите за храна и егзистенцијата”.

Генералниот директор на ФАО, Чу, исто така, ја истакна водечката Иницијатива „Рака под рака“ (Hand-in-Hand Initiative) на ФАО - заснована на податоци, насочена кон елиминирање на гладот и сиромаштијата во земјите што не смеат да бидат изоставени. Иницијативата располага со софистицирани алатки и аналитика, како што се Гео-просторната платформа Hand-in-Hand Geospatial Platform и Лабораторијата за податоци Data Lab за статистичка иновација за да се забрза земјоделската трансформација и одржливиот рурален развој.

„Иницијативата„ Рака под рака “е флексибилна и отворена за сите земји. Земјите можат да бидат корисници и соработници во исто време и ве поканувам да се придружите на оваа иницијатива во сопственост на земјите и предводена од земјите“, истакна тој.

Шефот на ФАО, исто така, го објави лансирањето на Коалицијата за храна оваа недела, на 5 ноември. Коалицијата за храна - предложена од Владата на Италија и предводена од ФАО - е нов глобален сојуз кој ќе им помогне на членките да се справат со ефектите на пандемијата КОВИД-19 врз нивните системи за храна и земјоделските сектори.

Чу, исто така, ги покани делегациите на земјите да номинираат локации за учество во новиот проект на ФАО насловен “1 000 дигитални села” (1 000 Digital Villages Project), кој има за цел да ги претвори селата или градовите во дигитални центри, признавајќи дека дигитализацијата и руралниот туризам можат да бидат мотори за зголемување на отпорноста, диверзификацијата на приходите на земјоделците и дејствување подобро.

 

Здрава исхрана и одржливи прехранбено-земјоделски системи

 

Земјоделските системи во Европа и Централна Азија се разновидни, во различни фази на развој и под влијание на различни надворешни притисоци и предизвици. Тие вклучуваат ограничени јавни средства, ограничени природни ресурси и различни социо-политички услови. КОВИД-19 дополнително ги истакна овие ранливости, но исто така и важноста на градење на отпорни системи за храна.

 

Во 2021 година, Обединетите нации ќе го свикаат Самитот за системите за храна - фокусиран на трансформација на системите за храна за да се промени курсот во насока на остварување на Агендата 2030.

Неколку други говорници, укажаа на потребата да се обрне внимание и на квантитетот и на квалитетот на произведената храна. Иако недоволната исхранетост и застојот во развојот на децата е мала во овој регион, зголемувањето на дебелината предизвикува голема загриженост во регионот на Европа и Централна Азија, со оглед на високата распространетост на дебелината, почнувајќи од 18 проценти од возрасната популација во Централна Азија до 23 проценти во Европа во просек, достигнувајќи дури 28 проценти кај некои земји-членки, додека недостатоците на микронутриенти останува проблем во целиот регион.

 

32. Сесија на регионалната конференција за Европа завршува на 4 ноември и таа е последна од низата виртуелни регионални конференции на ФАО, кои ги вклучуваа Азија и Пацификот, Близок исток; Латинска Америка и Карибите и Африка.

 

ЛИНКОВИ

32. Сесија на регионалната конференција за Европа

 

ФАО во Европа и Централна Азија

 

Следете ја конференцијата во живо

 

Фото галерија

 

Share