Исплатени субвенциите за фармерите кои имаат обележани грла говеда, кози, како и за сите фармери кои задржале женско јагне

11.08.2021 14:00:00


Агенцијата за финансиска поддршка во земјоделството и руралниот развој денеска  на сметките на 11,785 субјекти се исплатени близу 617,6 милиони денари субвенции. Исплатените субвенции се за фармерите кои имаат обележани грла говеда, кози, како и за сите фармери кои задржале женско јагне.

Исто така со оваа исплата префрлени се и средства за 206 тутунопроизводители во износ од 11.4 милиони денари, кои заради неподмирени долговите за вода и пашарина не беа исплатени.

Во наредните денови се очекува да се исплатат субвенциите за засеани површини со сертифициран семенски материјал, а ќе следи и исплата на субвенции и за пчеларство.

Агенцијата, како и досега  ќе продолжи со неселективна исплата на субвенции за сите кои правно – законски ги исполнуваат условите за добивање на финансиска поддршка во земјоделството. Земјоделството е наша шанса, Владата, Министерството и Агенцијата ќе продолжат да креираат мерки и програми кои го развиваат агро – секторот.

Share


Пон
Вто
Сре
Чет
Пет
Саб
Нед

Одберете датум

Јавни огласи и повици