Агенцијата за финансиска поддршка во земјоделството и руралниот развој, ги известува производителите на грозје, дека од денеска започна поднесувањето на барања за финансиска поддршка за произведено и продадено грозје од сортите вранец и смедеревка во регистриран капацитет за производство на вино во Република Македонија.

На ден 01.11.2018 година, Државниот инспекторат за земјоделство организираше акција за спречување на рибокрадци.

Сите откупувачи на сливи и преработувачи на пченица од денеска се до 25- ти декември 2018 – та година  ќе може да поднесуваат барања за финансиска поддршка за откупени сливи и пченица од домашно производство од овогодинешната  реколта.

Сите единици на локалната самоупрва од денеска па се до 17- ти ноември ќе може да аплицираат за добивање на финансиска поддршка од „Програмата за рурален развој“,  поточно за „Мерката 124 Инвестиции во инфраструктура за пристап до земјоделско земјиште “, односно реконструкција или пробивање на пристапни патишта до земјоделско земјиште.

Владата на вчерашната седница донесе одлука за пренамена на средства од Програмата за енергетска ефикасност и обновливи енергии, а кои ќе се искористат за финансирање на проекти од областа на наводнување кои ги спроведува Министерството за земјоделство, шумарство и водостопанство.