Соопштенија


Најостро ја демантираме изјавата на Цветан Трипуновски во врска со хакерскиот напад и наводно „исчезнати“ документи.
Електронскиот систем на Министерството за земјоделство, шумарство и водостопанство на 12-ти овој месец беше цел на хакерски напад од меѓународна хакерска група Black Byte. За нападот е информирана јавноста, веднаш истиот ден, преку објава на фејсбук страната на Министерството за земјоделство, шумарство и водостопанство и испратено соопштение за јавност.
Нападот е пријавен во Министерството за внатрешни работи за понатамошно истражување и постапување, побарана е помош и од АЕК и од други меѓународни институции. 
Превентивно поради сериозноста на нападот времено вон функција беа ставени сите системи на министерството. Апликациите на министерството како на пример ЕРЗС системот, ФАДАН, системот за идентификација на земјоделски парцели и други апликации не се оштетени од овој напад, но превентивно веднаш по нападот беа исклучени и сега повторно се активни. Поради превенција во моментот системот е делумно подигнат, односно како се отстрануваат проблемите етапно системот се чисти и се враќа во фунцкија.


Министерот за земјоделство, шумарство и водостопанство, Љупчо Николовски е домаќин на македонскиот штанд на Меѓунариодниот саем за земјоделство, лов, риболов и екологија „Интерагро 2022“, кој од денес три дена се одржува во Бјељина.

Да се одржи континуитет од 20 години во услови на многу предизвици и немирни времиња, е навистина голем успех, истакна во своето обраќање министерот Николовски упатувајчи честитки за вашиот ентузијазамот, професионалноста и посветеноста со која е градена оваа саемска манифестација.


Министерот за земјоделство, шумарство и водостопанство, Љупчо Николовски вечерва гостуваше во емисијата Топ Тема на Телма телевизија.

Посветено работевме за да подготвиме нов и пофункционален модел за субвенционирање, кои храбро, отворено и транспарентно го презентираме пред земјоделците потенцираше министерот Николовски.


Министерството за земјоделство, шумарство и водостопанство ги известува сточарите одгледувачи на овци дека Агенцијата за финасиска поддршка на земјоделството и руралниот развој изврши исплата на директните плаќања за обележани грла овци од сите категории.

Дополнително АФПЗРР изврши исплата и на уште две мерки од програмата за директни плаќања, за пријавени површини со задолжителна употреба сертифициран семенски материјал и за одгледани и заклани гоеници во регистрирани кланични капацитети.


Интервентната програма која ја донесовме во рамки на Националниот план за производство на храна ги постигна очекуваните резултати за брза и навремена поддршка на земјоделците.

Како успешна мерка ја продолжуваме и во наредниот период, дополнета со нови мерки кои имаат за цел поддршка на земјоделците и за есенската сеидба.