Агенцијата за финансиска поддршка во земјоделството и руралниот развој на сметките на 1.972 лица исплати 61 милион денари за фармерите кои одгледуваат кози.

Македонските граѓани јадат безбедна храна, од домашно производство и од увоз, а истата редовно се контролира од страна на официјалните ветеринари и инспекторите за храна, реагираше Агенцијата за храна и ветеринарство на обвинувањата на дополнителниот заменик министер за земјоделство, шумарство и водостопанство Цветан Трипуновски дека половина година Македонците јаделе непроверена храна.

Во тек се инфо деновите за Мерката 1 „ Инвестиции во материјални средства на земјоделски стопанства“  од ИПАРД 2 Програмата. Вкупната финансиска поддршка во рамките на овој јавен повик изнесува  9.216.693 евра или  568.147.394 денари. Овој повик им овозможува на земјоделските стопанства широк спектар на инвестиции во примарното земјоделско и сточарско производство, вклучително и инфраструктурни зафати, преработка и директен маркетинг на сопственото земјоделско производство на земјоделското стопанство, производство на енергија од обновливи извори за сопствена потрошувачка. Во овој повик, набавката на трактор не е прифатлива инвестиција. Јавниот повик за оваа мерка е во тек и сите земјоделци кои сакаат да ги модернизираат фармите до 14-ти април 2020 година, ќе можат да поднесуваат барања за добивање на финансиска поддршка преку оваа мерка од ИПАРД 2 Програмата.

За осум дена односно на 10-март, завршува јавниот повик за мерката 113 „Поддршка за поттикнување на земјоделското производство“. Министерството за земјоделство, шумарство и водостопанство ги повикува сите млади земјоделци до 40 години во рамки на предвидениот рок да поднесат барања за финансиска поддршка за поттикнување на земјоделското производство. Оваа година финансиската поддршка е зголемена од 10.000 на 20.000 евра.

Сите земјоделци кои сакаат да ги модернизираат фармите од денеска па се до 14 април 2020 година, ќе може да аплицираат за добивање на финансиска поддршка преку ИПАРД 2 Програмата. Станува збор за мерката „ Инвестиции во материјални средства на земјоделски стопанства“  од ИПАРД 2 Програмата. Вкупната финансиска поддршка во рамките на овој јавен повик изнесува  9.216.693 евра или  568.147.394 денари.