Новости


Претседателот на Владата на Република Северна Македонија, Зоран Заев за изградбата на сточарска фарма „Голд Ленд“, рече дека е придонес за локалниот економски развој на општина Прилеп и околината преку зголемување на бројот на вработени, промоција на локалната економија на домашниот и дел од пазарот во опкружувањето со доближување до највисоките светски стандарди за безбедно производство на храна, со исполнување на барањата на купувачите.


Агенцијата за финансиска поддршка во земјоделството и руралниот развој, денеска на сметките на 1.566  субјекти исплати вкупно 137,3 милиони денари за мерката „Директни плаќања за произведено и предадено јаболко кај регистриран откупувач.“


Денеска во Министерството за финансии беа потпишани договори  во вредност од 107,6 милиони евра со КфВ банката, од кои 7,6 милиони евра грант средства, ќе се финансира Програмата за наводнување на Северна Македонија, како и проектот за енергетска ефикасна рехабилитација на студентските домови. Министерката за финансии Нина Ангеловска, министерот за земјоделство, шумарство и водостопанство Трајан Димковски, министерот за образование и наука Арбер Адеми, го потпишаа договорот со директорите за општинска инфраструктура и за енергија и транспорт во КфВ банката - Кирк Милднер и Пабло Обрадор.


Управата за јавни приходи од утре ќе започне со исплата на повратот на персоналниот данок на доход за земјоделците. На денешната заедничка прес конференција, министерот за земјоделство, шумарство и водостопанство, Трајан Димковски и директорката на УЈП, Сања Лукаревска, посочија дека по овој основ до крајот на годинава ќе се исплатат 80 милиони денари на околу 17.000 земјоделци, кои го остваруваат правото на поврат на персонален данок на доход.


Mинистерот за земјоделство, шумарство и водостопанство Трајан Димковски, ја посети компанијата „НИКСИ“ од Куманово, која е уште една успешна приказна на домашни компании корисници на финасиска помош од ИПАРД програмата.