Министерот за земјоделство, шумарство и водостопанство, Љупчо Николовски денеска оствари средба и посака добредојде на новиот амбасадор на Република Словенија, Грегор Прескер.
Словенија е наш безрезервен, искрен поддржувач на патот кон ЕУ, ја продлабочуваме и продолжуваме соработката со Словенија во областа на земјоделството.
Токму од Словенија црпиме искуства за поддршка на младите земјоделци, развојот на задругите, и спроведување на зелената агенда.
Министерот Николовски на денешната средба со амбасадорот разговараа за можноста наши македонски млади земјоделци да ја посетат Словенија и фармите кои ги водат млади земјоделци, се со цел да размениме искуства, но и нашите земјоделци да ги видат примените на модерна технологија и дигитализација во словенското земјоделство.
Взаемната поддршка, и соработка ја продолжуваме и прошируваме со пријателска Словенија.