Вечерва министерот за земјоделство, шумарство и водостопанство, Цветан Трипуновски оствари средба со земјоделците од општина Свети Николе.
На средбата разговараа за актуелната состојба во земјоделството и приоритетите кои ги има Министерство.
„Горд сум што можам да кажам дека како никогаш досега субвенциите се исплаќаат редовно и навремено“, истакна министерот.
Во текот на средбата министерот посочи дека вода за наводнување ќе има за сите земјоделци, се работи за да се има успешна земјоделска сезона.
„Македонските земјоделци ја имаат нашата целосна поддршка“, додаде министерот.