Денес во просториите на Министерството за земјоделство, шумарство и водостопанство се одржа јавна расправа за Предлог-законот за земјоделство и рурален развој.
„Имавме конструктивен дијалог со сите заинтересирани страни: научната фела која ги сподели своите стручни анализи, земјоделците кои ја изнесоа реалноста од полето и откупувачите со свои предлози за подобрување на верижниот циклус“, истакна министерот Трипуновски.
Тој додаде дека секој глас беше сослушан, секој предлог внимателно ќе биде разгледан.
„Заедно, сплотено ќе изградиме цврст темел за развој на земјоделството“, додаде министерот Трипуновски.