Младите земјоделци се во фокусот на сите мерки, програми и политики, кои изминативе години ги креира Министерството за земјоделство, шумарство и водостопанство.

Преку Програмата за рурален развој предвидени се две мерки, кои даваат директна поддршка за младите земјоделци од 18 до 40 години, односно мерката 112 „Помош на млади земјоделци за започување на земјоделска дејност“ со грант до 10.000 евра и мерката 113 “Поддршка за поттикнување на земјоделското производство” со грант до 20.000 евра.

Од 2017 година до денес, финансиска поддршка од овие две мерки искористиле вкупно 838 млади земјоделци, од кои 576 млади добиле грант до 10.000 евра, а 262 млади земјоделци добиле грант до 20.000 евра. Овие факти говорат дека како министерство креираме мерки што докажано даваат резутати.

Уште во 2019 година, како министерство предвидовме измени во Законот за земјоделско земјиште, измени преку кој овозможивме младите земјоделци да добијат земја под закуп, при тоа ослободувајќи ги да не плаќаат закупнина во првите три години.

Министерството за земјоделство, шумарство и водостопанство во соработка со Slow Food Macedonia, а со поддршка од GIZ, оваа година по втор пат го организира Националниот саем за храна и пијалоци – Вкуси ја традицијата.

Вториот Национален саем за храна и пијалоци – Вкуси ја традицијата ќе се одржи на 07 октомври 2023 година (сабота) со почеток од 11 часот во Градскиот парк – Скопје.

На годинешниот саем повеќе од 300 мали производители на храна и пијалоци ќе ги презентираат своите вкусни производи приготвени по традиционални рецепти.

Сите посетители ќе можат на едно да ги видат стотиците успешни приказни релизирани од подршката која ја даваме кон малите производители на храна и пијалоци, младите земјоделци и жените земјоделки.

Денеска, министерот за земјоделство, шумарство и водостопанство Љупчо Николовски присуствуваше и ја отвори манифестацијата  Форест Фест Берово. На насатнот присуствуваа и градоначалникот на Берово, Ѕвонко Пекевески, градоначалникот на Пехчево, Алексанадар Китановски, директорот на ЈУ Национален парк Маврово, Самир Ајдини, претставници од секторот шумарство и национални паркови, претседателот на Националното здружение на сопственици на приватни шуми, Војо Соколов, сопственици на приватни шуми и експерти-предавачи од Словенија, Хрватска и Бугарија, како земји членки на Европската Унија.

Форест Фест е манифестација, која прераснува во традиционална. Министерството   за   земјоделство,   шумарство   и водостопанство и овој пат го поддржа овој настан, како една од 67-те локални манифестации кои се финансирани од Програмата за рурален развој.

Министерот за земјоделство, шумарство и водостопанство, Љупчо Николовски, денеска оствари средба со практикантие, млади успешни стуеднти, кои се ангажирани во рамки на министерството.

На денешната средба министерот Николовски заедно со практикантите разговоараше за досегашното искуство кое го стекнале преку овој процес и придиобивките од директниот контакт со мерките, програмите и политиките од министерството.

„Мојата лична заложба е да ги задржиме младите дома, и да обезбедиме достојни услови за нивен напредок, работа и градење на кариера. Досегашното искуството покажа дека токму практикантите дадоа најголем придонес во креирањето на новите мерки, што од оваа година за прв пат се воведуваат како поддршка на земјоделците“ истакна на средбата министерот Николовски.

Во тек  е јавниот повик за Мерката 112 „Помош на млади земјоделци за започнување на земјоделска дејност“ позната како мерка  „Млад земјоделец“ од Програмата за финансиска поддршка на руралниот развој на Министерството за земјоделство, шумарство и водостопанство. Мерката овозможува финансиска поддршка во форма на грант до 600.000,00 денари од прифатливите трошоци по поединечен корисник. Новина од оваа година, која ја воведуваме за прв пат е авансна исплата на средствата во вредност од 40 % веднаш по потпишување на договорот. Повикот е отворен сега, за до крајот на годината да се обработат сите апликации од страна на Платежната агенција, со цел сите млади земјоделци кои ќе ги исполнат условите, да добијат грант.