Заменик-министерот Фљакрон Беџети денес присуствуваше на состанокот на високо ниво за подготовка на новата Рамка за соработка за одржлив развој (2026–2030) меѓу Обединетите нации и Република Северна Македонија. На овој состанок заменик-министерот ја претстави перспективата на Министерството на темата „Инклузивен развој.“

Заменик-министерот Фљакрон Беџети, учествуваше на Регионалната конференција организирана од CNVP со поддршка на PONT, на тема „Одржливо користење на природните ресурси во Шара, Кораб-Коритник и Албанските Алпи.“

Заменик министерот Фљакрон Беџети, одржа средба со Министерот за земјоделство, шумарство и рурален развој на Република Косово, Фатон Пеци, и Заменик министерот, Имри Демелези.

Министерство за земјоделство, шумарство и водостопанство, го организираше 6-тиот состанок и работилница за управување со пожари на ниво на предел во државата.

Во рамки на Програмата за „Управување со пожари на ниво на предел во Западен Балкан” (LFMWB), Министерство за земјоделство, шумарство и водостопанство во соработка со Регионален центар за следење на шумски пожари (RFMC), на ден 29.10.2024 во Хотел ПАРК – Скопје, го организираше 6-тиот по ред „Состанок и работилница за управување со пожари на ниво на предел во Северна Македонија”.

Земјоделската област Чифлик (Општина Чешиново-Облешево) ќе претрпи значителна трансформација, по достигнување на клучната пресвртница во проектот за консолидација на земјиштето во селото. На 18 октомври, сопствениците на земјиште со квалификувано мнозинство го усвоија Планот за распределба на земјиштето, со што Чифлик стана шесто село во Северна Македонија каде што се спроведува консолидација на земјиштето. Оваа иницијатива е дел од проектот финансиран од Европската унија „Унапредување на консолидацијата на земјиштето во Северна Македонија“, ко-финансиран и спроведуван од Организацијата за храна и земјоделство при Обединетите нации (ФАО), во партнерство со Министерството за земјоделство, шумарство и водостопанство.