Како дел од денешната винска агенда министерот за земјоделство, шумарство и водостопанство, Љупчо Николовски, заедно  со амбасадорката на САД, Анџела Агелер и директорот на Платежната агенција, Никица Бачовски ја посетија и винаријата Венец во Неготино.

Секторот винарство е еден од поголемите сектори корисници на средства од досегашната ИПАРД 2 програма. Токму винаријата "Венец" е една од винариите корисници на средства од ИПАРД програмата, која има набавено нова опрема, модернизирајќи го своето производството. 

Денеска министерот за земјоделство, шумарство и водостопанство, Љупчо Николовски заедно  со амбасадорката на САД, Анџела Агелер и директорот на Платежната агенција, Никица Бачовски ја посетија малата семејна винарија Арабеска во село Сопот, општина Кавадарци.

Винаријата Арабеска е успешна мала семејна винарија во сопственост на семејството Стојчеви и добитник на грант поддршката за мали семејни винарии до 10.000 евра за набавка на опрема за производство. Преку овој грант малата семејна винарија Арабеска има набавено ладилник за ладење на виното, осум INOX резервоари од 600 литри, машина за полнење и преса, а дел од средствата ги има искористено за ангажирање на стручно лице енолог.

Денеска во општина Крива Паланка, токму на денот кога се прославува патронот на градот и заштитник Свети Јоаким Осоговски, се одржа манифестацијата „Фестивал на храната“. Манифестација поддржана од стана министерството за земјоделство, шумарство и водостопанство, преку Програмата за рурален развој како една од националните манифестации низ државава, за промоција на македонската храна и пијалоци произведени од малите производители на храна.

Министерството за земјоделство, шумарство и водостопанство ги информира земјоделците производители на млеко дека денеска, Агенцијата за финансиска поддршка во земјоделството и руралниот развој ја реализираше исплатата на директните плаќања за произведено и предадено кравјо, овчо и козјо млеко.

Министерот за земјоделство, шумарство и водостопанство Љупчо Николовски, денеска ја посети винаријата Камник, од каде извести за рангирањето на Северна Македонија како 13 држава  во светот на скалата по девизен прилив остварен од извоз на вино, според податоците на World Top Export.

„Ова се одлични резултати за една мала земја како нашата која се натпреварува со далеку поголеми држави. Ние во 2022 година сме оствариле девизен прилив во вредност од скоро 60 милиони евра. Нашата анализа покажа дека низ годините наназад ние сме успеале да го одржиме производството и површините со лозови насади, а при тоа да ја зголемиме вредноста на извезеното вино. За пример, во 2021 и 2022 сме извезле отприлика иста количина вино но, во 2021 имаме околу 50 милиони евра а во 2022 околу 60 милиони девизен прилив, значи 10 милиони евра повеќе за една година.  Ова се должи на зголемениот квалитет на виното и зголемениот извоз на вино во шишиња, како и на многуте нови брендови кои ги освојуваат странските пазари. И во тој правец треба да продолжиме, да го зголемуваме квалиетот на произведено винско грозје за да имаме уште поквалитетни вина“ изјави министерот Николовски.