Сточарството е нашиот главен фокус оваа 2024 година. Креиравме многу нови мерки за поддршка на сточарите и со право оваа година велиме дека е година на сточарството, истакна Министерот Николовски на денешната средба со сточарите во Берово.

Од 4.000 на 12.000 денари се зголемува поддршката за женски грла говеда постари од 12 месеци. Поддршката за предадено јагне во регистриран кланичен капацитет исто така се зголемува, од 400 на 1.000 денари.

Министерот за земјоделство, шумарство и водостопанство, Љупчо Николовски денеска е во работна посета на Берово, каде на повеќе средби со земјоделците и сточарите од Берово и беровско ќе ги презентира новите мерки за поддршка на земјоделците во оваа 2024 година.

Министерот Николовски во својата изјава за медиумите истакна дека како министерство постојано сме на терен, директно разговарајќи со секој еден земјоделец, слушајќи го нивниот глас и заедно креирајќи мерки за поддршка на секој земјоделец. Така креираните мерки докажано даваат резултати нагалси министерот Николовски.

Министерот за земјоделство, шумарство и водостопанство, Љупчо Николовски заедно со директорот на ДИЗ Јане Станкоски и државниот советник за рурален развој, Трајан Димковски, денеска во Прилеп одржа редовен работен состанок со откупувачите на тутун. На состанокот со откупувачите се разговараше за тековниот откуп на тутун, просечната откупна цена, како и за мерки што би значеле доголорочен развој и одржливост на тутунопроизводството.

Како и секоја година така и оваа, навремено уште пред почеток на бербата и откупот, ги започнавме разговорите меѓу откупувачите и тутунарите, за да дојдеме до цена прифатлива за двете страни, цена која е фер и ја почитува маката на тутунарите.

Денеска, во просториите на Министерството за земјоделство, шумарство и водостопанство министерот Николовски одржа работен состанок со сточарите од здруженијата Современ овчар и Знак за квалитет, на кој директно им ги презентираше новите мерки за поддршка на овој сектор со кои 2024 ја промовираме како година на сточарството.

На состанокот, министерот Николовски ги информираше сточарите дека до крајот на оваа недела ќе бидат исплатени 30% авансни субвенции за 2023 година. Од страна на Платежната Агенција, веќе се прибираат податоците од кланичните капацитети и млекарници, со цел навремено да се подготви и исплатата на дополнителните 70% од субвецниите за 2023 година. По целосната обработка на овие податоци, до почетокот на месец март, ќе следува исплатата на дополнителните субвецнии, во еден ден со едно решение кон сите сточари.

Министерството за земјоделство, шумарство и водостопнаство, Ве известува и потсетува дека:

Согласно член 16-а став 1 и 3 од Законот за виното е пропишано:

 (1)  Откуп на винско грозје за производство на вино може да вршат производители на вино и трговци со винско грозје..

 (3) Субјектите од ставот (1) на овој член треба да се запишани во Регистарот на откупувачи на земјоделски производи кој се води согласно со Законот за земјоделство и рурален развој.

А согласно член 31 став (2) од Законот за земјоделство и рурален развој  е пропишано дека:

(2)  Откуп на земјоделски производи можат да вршат само правни лица кои се регистрирани за преработка на земјоделски производи и правни лица кои се регистрирани за вршење на трговија со земјоделски производи и запишани во Регистарот на откупувачи на земјоделски производи што се води при Министерството.

 Како правилно би го реализирале откупот на винско грозје, физчките лица кои се регистрирани како производители на вино потребните дополнителни количини на винско грозје надвор од сопствените количини, можат да ги обезбедат само преку регистриран откупувач.