Во рамки на вториот ден од годинешната конференција „Година на европски можности“, на петтиот панел – „Земјоделство и рамномерен регионален развој – ЕУ можности и перспективи“, во организација на Владата на Република Северна Македонија, свои обраќања имаа министерот за земјоделство, шумарство и водостопанство, Љупчо Николовски, министерот за локална самоуправа, Ристо Пенов, директорот на Агенцијата за финансиска поддршка во земјоделството и руралниот развој, Никица Бачовски и извршната директорка на Вина од Македонија, Елена Младеновска.

Главниот фокус во обраќањата на панел учесниците беше инвестициите во развој на македонското земјоделство и регионалениот развој, преку националните програми на Владата и европските можности, кои се ставаат на располагање на земјоделците и единиците на локалната самоуправа.

„2023 година беше година на нови можности во земјоделството. Стартуваше успешно примената на новиот модел за субвенционирање, а се реализираше и авансната исплата на субвенциите. Креиравме нови мерки за поддршка на малите производители на храна и пијалоци и индивидуалните земјоделци со гранотови од 10.000 и 5.000 евра за набавка на опрема и земјоделска механизација“, истакна министерот Николовски.

Тој додаде дека во само една година склучени се над 400 договори за поддршка на малите прозиводители на храна и пијалоци и индивидуалните земјоделци. Успеавме истакна министерот Николовски во една година да имаме нови 1.940 регистиран оператор со храна од животинско и неживотнско потекло, во АХВ, како и нови 95 регистрирани мали семејни винарии.

Министерот Николовски во обраќањето ги презентира и новите мерки за 2024 година, што  се ставаат на располагање до земјоделците.

Министерството за земјоделство, шумарство и водостопанство  организира јавна расправа за Нацрт – Законот за шумите  и Нацрт – Законот за формирање на Агенција за шумите која  ќе се одржи на 31 јануари (среда),  со почеток во 13:00 часот во големата сала на Министерството за земјоделство, шумарство и водостопанство.

Нацрт – Законот за шумите  и Нацрт – Законот за формирање на Агенција за шумите се дел од клучните активности на  проектот Поддршка на реформите во шумарството во Северна Македонија, NEAR/SKP2022/EA-RP/0036, финансиран од Европската унија  а имплементиран од Конзорциум предводен од Particip GmbH.

Нацрт – Законот за шумите  и Нацрт – Законот за формирање на Агенција за шумите се резултат на предходни длабоки анализи на подготвителен проект фининасиран од страна на Европската Унија  заради  реформи во шумарскиот сектор како и заради усогласување  на политиките и acquis поврзани со ЕУ а со цел потикнување на одржлив развој и управување со шумите.

Министерот за земјоделство, шумарство и водостопанство Љупчо Николовски денеска, заедно со извршниот директор на ЦЕС, д-р Карл Филип Хигин, го потпиша Договорот за имплементација на четирите системи за наводнување по долината на реката Вардар како дел од Програмата за наводнување на Северна Македонија. Историски проект во водоснабдувањето вреден над 100 милиони евра, кој обезбедува наводнување на нови 13.650 хектари земјоделско земјиште.

Министерот за земјоделство, шумарство и водостопанство, Љупчо Николовски денес заедно со амбасадорот на Кралството Шпанија, Хозе Луис Лозано Гарсија и претставници на фирмата консултат “Глобатек” го потпишаа договорот за реализација на уште еден значаен капитален проект во делот на наводнувањето на земјоделското земјиште.

Денешното потпишување на договорот следува откако на 9 јануари 2024 година, Владата на владина седница, ја усвои предложената информација од нас како министерство, за обезбедени грант средства за подготовка на техничка студија за интеграција на пловечки фотоволтаични постројки во Националната мрежа за наводнување.

Проектот финансиран од ЕУ „Поддршка на реформите во шумарството во Северна Македонија“ - NEAR/SKP/2022/EA-RP/0036 објавува јавен повик за набавка на услуги за извршување на пред ревизија и ревизија за сертификација на шумите (на најмалку 100.000 хектари шуми) во Република Северна Македонија, според Националниот стандард за одржливо управување со шумите PEFC.