Министерот за земјоделство, шумарство и водостопанство, Љупчо Николовски заедно со проектантите, инжинери и работници, изврши увид во активностите за изградба на браната Конско во Гевгелија. 

Последниот Европски извештај дава добра оценка во делот на земјоделството, истакна министерот за земјоделство, шумарство и водостопанство, Љупчо Николовски во своето гостување во емисијата Студио 10 на Телевизија 24 Вести. Тој додае дека Европската Унија јасно нотира постигнат значителен напредок во текот на известувачкиот период во сите области на земјоделството и руралниот развој, безбедноста на храната, фитосанитарната и ветеринарна политика и рибарството како и во подготовките на Акцискиот план 2021-2027 за Националната стратегија за земјоделство и рурален развој, вклучувајќи ги и мерките за финансиска поддршка од Националната програма за развој на земјоделството 2023-2027.

Нашата главна цел како министерство е секоја една педа обработлива земја да ја ставиме во функција за производство на храна, истакна министерот за земјоделство, шумарство и водостопанство, Љупчо Николовски во Дневникот на Македонската радио телевизија.

Оваа цел, додаде министерот Николовски, произлегува од донесениот Национален план за производство на храна што министерството уште минатата година го подготви и донесе. Токму во таа насока се и предложените измени во законот за земјодлеско земјиште, преку кои за прв пат се пропишуваат јасни одредби кои имаат за цел заштита на земјоделското земјиште. 

Министерот за земјоделство, шумарство и водостопанство, Љупчо Николовски вечерва гостуваше во Дневникот на Македонската радио телевизија.

На денешната владина седница, по предлог на министерството за земјоделство, шумарство и водостопанство, Владата го прифати новиот закон за вино, истакна министерот Николовски.

„Овој нов предлог закон за вино е на страна на лозарите и решава уште еден проблем на лозарите, а тоа е откупната цена. Па така со новиот закон за вино, за првпат, се утврдува постапка која треба да ја пресмета производната цена на винско грозје по килограм, најдоцна до 15 јули во тековната година и тоа за најмалку две најзастапени сорти. Пресметката на трошоците за производство на килограм винско грозје на определена површина и соодветен квалитет, согласно дадена методологија, предвидено е да ја врши високо образовна или научна институција од областа во земјоделството“, истакна во своето гостување во Дневникот на МТВ министерот Николовски.

Владата на Република Северна Македонија на денешната владина седница, по предлог на министерството за земјоделство, шумарство и водостопанство го прифати новиот закон за вино.

Како министерство имајќи предвид дека земјите членки на ЕУ се најголемиот пазар за извоз на вино од Република Северна Македонија и со цел непречено да се зголеми и олесни извозот на македонско вино и производи од вино, министерството пристапи кон донесување на нов Закон за вино, кој во целост е усогласен со одредбите на европското законодавство.