Министерот за земјоделство, шумарство и водостопанство Љупчо Николовски, денеска ја посети компанијата Левидиагро од Кочани, од каде извести за новата мерка од Програмата за рурален развој, со која им помагаме на откупувачите и преработувачи на бел ориз да го зголемат извозот и да ги намалат трошоците за амбалажа .

„Поддршката за оваа мерка изнесува 2,5 денари по пакување во најлонска амбалажа до 500 грама, односно 5 денари по пакување во најлонска амбалажа до 1 килограм. За пакување во хартиена амбалажа до 1 килограм бел ориз поддршката изнесува 10 денари по пакување. Со новата Програма за рурален развој овозможивме нова мерка, која ја ставаме на располагање за откупувачите и преработувачи на бел ориз со што директно го помагаме извозот и отвораме нови пазари каде ќе биде пласиран и продаван нашиот македонски ориз“ изјави министерот Николовски. 

Министерот за земјоделство, шумарство и водостопанство Љупчо Николовски вечерва гостуваше во Тема на денот на Сител телевизија.

Успеавме да го стабилизираме домашното производство на храна во услови на криза, преку донесувањето на Националниот план за производство на храна и мерките во Интерветниот фонд. Нашата цел сега е да го зголемиме домашното производство на значајни култури и на долг рок да ја намалиме увозната зависнот на држвата, потенцираше министерот Николовски.

“Земјоделците навремено и авасно пред почетокот на сезоната ќе ги добиваат субвенциите. Поголемото производство и поголем приност на битните култури е главниот фокус на новиот модел за субвенционирање“ изјави министерот Николовски.

Денеска, во просториите на Министерството за земјоделство, шумарство и водостопанство се одржа првата седница на Управниот Одбор на Национална рурална мрежа (НРМ). Со тоа се заокружи процесот на верификација на членството на Рурална мрежа и едногласно се усвои  Деловодникот за работа

Националната рурална мрежа е нова платформа финансирана од буџетот на Руралната програма на МЗШВ, креирана по европски терк, со целосна вклученост на членството во нејзиното управување. Платформата е алатка за информирање која на едно место им нуди на земјоделците информации за сите мерки и активности кои им се ставени на располагање.

Министерството за земјоделство, шумарство и водостопанство ги известува земјоделците производители на градинарски култури дека Агенцијата за финансиска поддршка во земјоделството и руралниот развој – АФПЗРР изврши исплата на директните плаќања по обработлива земјоделска површина за градинарско производство и цвеќе на отворено и во пластеници.

Исплатена е вкупна сума од 214,7 милиони денари до сметките на 10.987 корисници.

Како корисници на оваа поддршка се јавуваат земјоделски стопанства кои пријавиле обработени површини со домати, пиперка, лубеница, диња, тиква, грав, боранија, грашок, компир, краставици, корнишони, зелка, кељ, кромид, лук, праз, тиквички, зелена салата, брокула, спанаќ, карфиол, модар патлиџан, рукола, морков, целер, пашканат, цвекло, аспарагус, ротквици, цвеќе и култувирани, ароматични и зачински растенија.

Навремено во текот на овој месец Агенцијата за финансиска поддршка во земјоделството и руралниот развој изврши исплата на субвенциите до 14.830 лозаропроизводители во вредност од 597 милиони денари, како и субвенциите за полјоделските култури во вредност од 422,4 милиони денари до над 24.000 корисници.

Посветено работиме водејќи грижа за секој еден земјоделец. За 2023 година обезбедивме најголем земјоделски буџет вреден 200 милиони евра, средства со кои успешно ги реалзиираме сите нови мерки за поддршка на земјоделците и за навремена исплата на субвенциите.

Како предлог на министерството за земјоделство, шумарство и водостопанство, Владата на Република Северна Македонија на денешната седница ја усвои Програмата за финансиска поддршка на руралниот развој за 2023 година, со вкупна вредност од 1,3 милијарди денари.

Програмата за поддршка на руралниот развој прераснува во инвестициона програма со која се помага развојот и модернизацијата на домашното земјоделство, развојот и подобрувањето на условите за живот во селата.  

Земјоделците преку новата мерка за поддршка на бизнис план во земјоделството добиваат можност со јавен повик отворен во текот на целата година сами да одберат за каква инвестиција ќе аплицирааат. Преку оваа мерка ставаме на располагање неповратен грат до 10.000 евра за модернизација и развој на македонското земјоделство.