Соопштенија


Министерот за земјоделство, шумарство и водостопанство Љупчо Николовски, денеска го посети  Научниот Институт за тутун во Прилеп, којшто е една од најстарите научни институции на Балканот и следната година го слави својот 100-ти роденден. Институтот за тутун е важна научна институција во производството на тутун и сите овие години успешно ја извршува своја научна дејност.


Во рамки на теренските активности при посетатана Прилеп, денеска министерот за земјоделство, шумарство и водостопанство, Љупчо Николовски ја посети компанијата БимФуд.

Компанијата БимФуд е уште една успешна ИПАРД приказна и позитивен пример за максимална искористеност на европските средства кој се ставаат на располагање, со дури 3 апликации и овозможени средства за инвестиции за опрема од над 20 милиони денари.


Министерот за земјоделство, шумарство и водостопанство, Љупчо Николовски во рамки на денешната посета на Институтот за тутун во Прилеп, изврши увид во набавената опрема преку ИПА фондовите на Европската Унија, за потребите на Ген Банката.

Ген Банката е во состав на Институтот за тутун во која се чува семенски материјал од 56 различни сорти на тутун и место каде се одржуваат сите автохтони сорти на тутун.


Министерот за земјоделство, шумарство и водостопанство, Љупчо Николовски заедно со државниот советник за рурален развој при министерството, Трајан Димковски денеска беа во посета на Институтот за тутун во Прилеп.

Научниот Институт за тутун од Прилеп е една од најстарите научни институции на Балканот, која следната година го слави својот 100 годишен јубилеј од основањето.


На вчерашната седница Владата на Република Северна Македонија, на предлог на Министерството за земјоделство, шумарство и водостопанство ја усвои новата мерка преку Интервентната програма за поддршка на производителите на пченица под контролирани услови.

Со буџет од 317 милиони денари оваа година креиравме отворена Интервентната програма, преку која излегуваме во пресрет на секој еден земјоделец, креирајќи навремено мерки за поддршка. 

Мерка за поддршка на производителите на пченица  се однесува на 3 денари по килограм финансиска поддршка до земјоделците, за остварено и продадено или складирано производство на пченица. 

Корисници на оваа мерка се земјоделските стопанства кои имаат поднесено барање за подмерката директни плаќања по обработливa  земјоделска површина за сите поледелски култури од Програмата за финансиска поддршка во земјоделството за 2023 година, имаат засеани и ожнеани површини со пченица, а оствареното производство го имаат прoдадено или складирано кај регистриран откупувач или за потребите на сопствениот преработувачки капацитет во период од 15 јуни до 31 август 2023 година, а се запишани во Регистарот на откупувачи на земјоделски производи. 

Максималната прифатлива количина на пченица е 5.000 килограми по пријавен хектар.

Како министерство остануваме посветени во креирање на мерки за секој еден  земјоделец и  за поддршка и развој на домашното производство.



Пон
Вто
Сре
Чет
Пет
Саб
Нед

Одберете датум

Јавни огласи и повици