Министерот за земјоделство, шумарство и водостопанство, Љупчо Николовски денеска во селото Тимјаник, општина Неготино, во пресрет на меѓународниот ден на жената 8 март оствари средба со успешни жени земјоделки, мали производители на храна и сопственички на мали винарии, членки на Националната Федерација на фармери.

Министерството за земјоделство, шумарство и водостопанство и Агенцијата за финансиска поддршка во земјоделството и руралниот развој, ги информираат откупувачите на сончоглед, кои имаат регистриран капацитет за откуп на сончоглед и извршиле откуп на сончоглед во период од 15 август до 30 ноември 2023 година, дека потребно е најдоцна до 15 март 2024 година, до АФПЗРР да достават податоци за извршениот откуп.

Над 80 земјоделци од Свети Николе, денеска по завршувањето на средбата со министерот за земјоделство, шумарство и водостопанство, Љупчо Николовски потпишаа заедничка петиција до собраниската комисија за земјоделство, за итно носење на законот за изменување и дополнување на законот за земјоделско земјиште.

Денеска во Свети Николе министерот за земјоделство, шумарство и водостопанство, Љупчо Николовски одржа средба со земјоделците од здружението Овчеполски фармер.

На средбата земјоделците со министерот Николовски разговараа околу продолжувањето на договорите за закуп на земјоделското државно земјиште, презентирајќи ги решенијата што министерството ги подготви за решавање на овој проблем.

„Апсолутно не ми е јасно како може некој што е дополнителен заменик, или има било каква позиција, да биде и да се сврти против 2.500 мали опретаори со храна, кои што претходно ги немало, а кои што се сега се регистрирани согласно правилниците за флексибилност од праг, донесени врз база на закон со кои што сме овозможиле многу полесна регистрација“, истакна министерот Николовски одговарајќи на новинарско прашање во врска со обвинувањата на дополнителниот заменик министер Трипуновски, дека програмите за мали винарии и мали производители на храна се незаконски, како и дека грантовите се доделуваат селективно.