Соопштенија


Почитувани,
Владината делегација предводена од министерката за труд и социјална политика Јованка Тренчевска, министерот за земјоделство, шумарство и водостопанство Љупчо Николовски, како и министерот за образование и наука, Јетон Шаќири, оддаде почит и положи  свежо цвеќе на вечното почивалиште на Никола Карев, првиот претседател на Крушевската Република, во Македониумот на Гумење - Крушево.


Денеска во просториите на Министерството за земјоделство, шумарство и водостопанство, министерот Љупчо Николовски и заменик министераката Вјолца Бериша, ги доделија договорите за финансиска поддршка за мали дестилерии од Програмата за финансирање на микро земјоделски производители на вино и алкохолни пијалаци.

Малите дестилерии за прв пат во историјата добиваат финансиска поддршка во форма на грант до 300.000 денари за модернизација на производството.


Денес е пуштена водата низ цевководот Макарија. Земјоделците од Росоманско и Градско можат да бидат сигурни дека нивните култури ќе бидат обезбедени со наводнување за оваа сезона. Направено е комплетно оспособување на цевководот, извршени се сите градежни работи кои беа неопходни за непречено користење и истиот повторно е ставен во функција. 

По настанатото  оштетување на цевководот Макарија, сите служби беа ставени на највисоко ниво на подготвеност за изнаоѓање на решение за спас на сезоната за наводнување. Преку координација на Министерството за земјоделство, шумарство и водостопанство и Владата на Република Северна Македонија веднаш се пристапи кон изнаоѓање на техничко решение за надминување на проблемот. Беше ангажирана експертската јавност преку професори од Градежниот факултет Скопје и беа направени соодветните измени на програмите за обезбедување на финансиски средства. Во ургентен рок, согласно законските процедури беше избран изведувач и започнаа активностите на санирање. 


Земјоделската сезона се одвива интензивно, досега за 2023 година бележиме одлични приноси од сите стасани производи на полињата на територија на целата држава. Оваа сезона надминавме бројни предизвици и проблеми, експресно и навремено ја реализиравме институционалната поддршка за земјоделците и секогаш остануваме да бидеме потпората за квалитетното земјоделско производство. Политиките и мерките кои ги превземаме се секогаш во партнерство со земјоделците, а во насока на постигнување на целта која заеднички ја споделуваме.


Министерот за земјоделство, шумарство и водостопанство, Љупчо Никоовски денеска во рамки на работната посета на Словенија потпиша договор за ангажирање на консултантска фирма, која ќе го дефинира дизајнот и ќе го креира на привремен попис на земјоделско земјиште и пасишта во државна сопственост.

На овој начин ја ја иницираме првата од низата предвидени активности во рамките на Проектот за модернизација на земјоделството, преку кој ќе воспоставиме нов информациски систем за управување со земјоделското земјиште (хардвер и софтвер). Вкупната вредност на овој договор е 162.790 евра и ќе се спроведува во период од 9 месеци.



Пон
Вто
Сре
Чет
Пет
Саб
Нед

Одберете датум

Јавни огласи и повици