Во заедничка акција на Шумска полиција од Кичево со граничната полиција во атарот на село Колари пресретнат е камион со огревно дрво од државни шуми без документи за превоз.

За сторителите поднесени се соодветни пријави до институциите, камионот со кој е превезувано дрвото е одземен и складиран во Полициската станица во Зајас.

„Денеска заедно со Директорот на АД Водостопанство сме во посета на пумпната станица Таор. Оваа станица ги покрива општините Петровец, Илинден и Гази Баба, каде што се зафаќаат води од околу 6.600 хектари преку 150 километри отворена каналска мрежа“, истакна Министерот за земјоделство, шумарство и водостопанство, Цветан Трипуновски при посета на пумпната станица во Таор заедно со Директорот на АД Водостопанство, Филип Филиповски. 

Министерот посочи дека при посетата може да се увиди дека пумпната станица е во катастрофална состојба. Изминативе години не се инвестирало во модернизација и одржување на станицата. Поради неодржување на пумпната станица во Таор имало сериозен ризик од загрозување на тој дел од скопската котлина.

Наследивме една колабирана состојба во Национални шуми. Вкупниот долг кој што го наследивме е околу 10 милиони евра, меѓу кои и неисплатени плати на вработените, вели Цветан Трипуновски, министер за земјоделство, шумарство о водостопанство во вечерашното интервју во централниот дневник во Тема на денот на ТВ Сител.

Трипуновски посочи дека Владата обезбедила 250 милиони денари за исплата на заостанатите плати во Национални шуми, кои веќе ќе легнат на сметките на вработените.

Она кое што го направивме на една од владините седници, со ребаланс на Буџетот обезбедивме 250 милиони денари кои што веќе се легнати на сметката на Национални шуми, и веќе платите се пуштени до вработените, за да се стави во функција јавното претпријатие, рече Трипуновски.

На прашањето зошто има помалку лица вработени како сечачи во однос на административци, министерот Трипуновски потенцираше дека Национални шуми има над 1800 вработени, но претходната власт во предизборието вработувала партиски кадри кои немале додадена вредност, само направиле дополнително преоптоварување на буџетот на јавното претпријатие.

Јавното претпријатие брои над 1800 вработени. Претходната власт во предизборите вработи повеќе партиски лица кои што немаат додадена вредност, само го обремени по буџет јавното претпријатие и е тотално нефункционално, истакна тој и додаде:

Процентот на сеча е многу мал затоа што повеќе се делеле пари за да се вработат партиски кадри, отколку да се работи.

Трипуновски нагласи дека новиот менаџераки тим во Национални шуми има насока да го истражи сиот криминал од претходното раководство.

Новиот менаџерски тим во Национални шми има насока најпрво да го истражи целиот криминал кој што е направен и зошто е доведено јавното претпријатие во една ваква катастрофална состојба, дециден е Трипуновски.

На втората седница на Влада направивме промена на постоечката програма. Ослободивме десет милиони евра за субвенции, пари за субвенции со кои што ги исплативме кон земјоделците. Минатата недела помина ребалансот на буџетот, излезе во службен весник, се обезбедија нови милијарда двесте и педесет милиони денари кои исто така во наредниот период ќе бидат исплатени кон сите категории на земјоделци. Ова се заостанати обврски, за да биде појасно имаме субвенции од некои петнаесет месеци задоцнување кон млеко-производителите.

Имаме субвенции кои не се исплатени повеќе од една година. Ова се што ќе го исплатиме во наредниот период е практично да дојдеме во ситуација се што е по долг од 2023, 2022, 2021 и претходните години да биде се исплатено. 2024 да биде исплатена во првите месеци во 2025. Во постоечката програма која има зголемена бирократија ќе ја намалиме, односно ќе го укинеме она што е дополнително пријавување во месец Декември. Земјоделците треба да ги фокусираме на производство, да ги едуцираме, да им помогнеме со модернизација, додека бирократските процедури треба да ги сведеме на минимум за да не губат време во администрирањето. Од друга страна Министерството со Платежната агенција навремено да ги информира за сите промени, изјави министерот за земјоделство, шумарство и водостопанство Цветан Трипуновски во емисијата „За или против“ на ТВ Алфа.

Третиот сегмент во делот на субвенции е дека сериозно ќе се прави проверка на тоа кој колку зема субвенции затоа што првичните информации говорат дека имало многу злоупотреби , односно луѓе кои на некој начин го црпеле буџетот во делот на субвенции а не биле вистински земјоделци. На вистинските земјоделци им се зема од нивниот колач и биле ставени во втор план, појасни министерот.

Трипуновски најави дека контролата на терен ќе биде зголемена во секој еден сегмент поради тоа што треба да се елиминираат злоупотребите . На тој начин вистинските средства од програмата кои ќе бидат ставени како земјоделски субвенции за 2025 ќе бидат кон вистинските земјоделци, навремено исплатени и да имаат еден вистински ефект.

„Досега она што се правеше беше повеќе на хартија отколку на дело. Да се работело системски, планирањето да биде согласно потребите на земјоделците ќе беше поинаква ситуацијата. Ние денеска за ваша информација програмата за земјоделска поддршка во земјоделството била пре-димензионирана на хартија, со големи субвенции и суми ама само на хартија! Никогаш на дело не биле спроведени. Тоа во превод значи дека минатата влада повеќе си правеше популизам, мерки и активности кои што реално никогаш не биле спроведени на терен. Затоа велиме дека тоа е еден од сегментот каде што практично македонското земјоделство колабира и е доведено до една ваква коматозна состојба“, изјави Трипуновски.

Министерот за земјоделство, шумарство и водостопанство, Цветан Трипуновски денеска беше во посета на откупен пункт на грозје во Сопот за да се увери во текот на почетокот на бербата на грозјето. Тој беше информиран од страна на сопственикот на откупниот пункт на грозје и од земјоделците дека тоа што се откупува оди за извоз.