Министерот за земјоделство, шумарство и водостопанство, Љупчо Николовски пред лозарите на денешната средба во Кавадарци, ги претстави новите мерки предвидени за поддршка на секој еден земјоделец за оваа 2024 година.

„Како што ветивме пред земјоделците, од оваа година поддршката до сите земјоделци за мерката зелена нафта ја зголемуваме на 100%. Мерка воведена за прв пат во 2019 година. Тогаш со поддршка од 30% во трошоците за гориво на земјоделската механизација, за во 2022 година поддршката да ја зголемиме на 50% и денес поддршката за зелена нафта да достигне до 100%, од трошоците за гориво на земјоделската механизација, поддржувајќи годишно 55.000 земјоделци“, истакна министерот Николовски.

Министерот за земјоделство, шумарство и водостопанство, Љупчо Николовски на денашната средба со лозарите во Кавадарци, ги информираше лозарите дека новиот закон за вино, подготвен од министерството, веќе е во собраниска процедура и очекуваме негово донесување до 4 април оваа година.

Министерот за земјоделство, шумарство и водостопанство, Љупчо Николовски, заедно со државаниот советник за рурален равој, Трајан Димовски, раководителите на секторите за рурален развој и секторот лозарство, винарство и овоштарство, како и пратениците Панчо Минов, Даниела Колева и Лолита Ристова, денеска остварија средба со земјоделците и лозарите од Кавадари и тиквешијата.

Министерот за земјоделство, шумарство и водостопанство, Љупчо Николовски денеска во Кавадарци изврши увид на реконструираната и модернизирана пумпна станица „Марена“.

Со овој проект за реконструкција на пумпната станица „Марена“ извршена е целосна замена на старите пумпи и електромоторите, кои беа дотраени и користени повеќе од 50 години. Извршена е санација на доводниот канал до црпниот базен, со поставување на механички решетки за зафаќање на гранки и алги кои ги носи водата по каналот, како и поставување на Скада систем, со кој се следи работата на пумпите.

Министерството за земјоделство, шумарство и водостопанство ги известува сите институции (правни лица) кои ги исполнуваат условите од член 51 став (3) од Законот за дивечот и ловството(*) (Службен весник на Република Северна Македонија бр.263/23), дека можат да поднесат Барање за добивање на овластување од министерот за земјоделство, шумарство и водостопанство за изработка на посебни ловностопански основи за ловиштата востановени на територија на Република Северна Македонија.