Државниот секретар на министерство за земјоделство, шумарство и водостопанство, Борче Серафимовски во рамките на посетата на Будимпешта и учеството на 5-та сесија на заедничката комисија за економска соработка меѓу Македонија и Унгарија, оствари средба со заменикот државен секретар на Министерството за земјоделство на Унгарија, г-динот Балаш Сзабо.
На средбата тој ја истакна важноста од продлабочување на соработката меѓу двете држави, особено во делот на размена на искуства, ЕУ интеграциите во областа на земјоделството и користењето на ЕУ фондовите. Заеднички констатиравме дека партнерството и меѓусебната поддршка се од клучно значење за модерно, конкурентно и одржливо земјоделство.
