Министерот за земјоделство, шумарство и водостопанство Цветан Трипуновски одржа работна средба со Амбасадорот на Сојузна Република Германија Петра Дрекслер и Френк Милер регионалниот советник за земјоделство.
На средбата е разговарано за билатералната развојна соработка со Сојузна Република Германија и за проектите во државата.
Трипуновски ја презентираше програмата на МЗШВ за земјоделството, инвестициите во руралниот развој како и за санација и ревитализација на системите за наводнување.
Продолжува нашата активна соработка со Сојузна Република Германија како еден од нашите најголеми стратешки партнери.